1. Tibetian ho hian mitthi ruang vui dan danglam tak an nei a, an larpui viau nghe nghe a. Mitthi ruang chu 'sa hrang' tia lek lekin an chan darh vek a, tlâng chhîpah țawih ral turin emaw, sava leh ramsate ei riral turin an theh darh mai țhin. Hmakhawsang ațang tawhin Buddhist sakhaw zuitu deuh vek an ni a, Buddhist zirtirnaah chuan mihring taksa chu hlumbêl ang chauh, mitthi anih ruala hluihlawn leh paih mai tura ngaih a ni a, chuvang chuan mitthite hi rei tak an kawl ngai lo a ni. He an thil chin hi, sawrkarin a khap nghe nghe a; mahse, mitthi chhungten rem an tih miau chuan khapna dan chuan kori a tu viau lo a niang e, vawiin ni thlengin he an thil chin dangdai tak hi an la ching chhunzawm zel tho a ni.
2. Kum 27 zet a awmna chin an hriat tawh loh Rangkachak zungbun chu, kum 2002 khan
an hmu chhuak hlawl mai a. He zungbun hi Colchester, England a swimming pool a an tih bo kha a ni a. Kum 2002 khan kum 12 mi Jamie Louisa Arnold apple ei lai chhungah a lo awm reng mai! A neitu an zawn chuan Rosalind Pike chuan, kum 1975 a school swimming trip a tih bo ngei ani tih a hre ta a. An rin dan chuan sava in a la ang a. Apple par kar velah a thlauh leh ang a, chu chu a rah a insiam hnan ta anih an ring ber.
3. Kum 1755 khan Lisbon, Portugal-ah Lirnghing rapthlak tak a thleng a. Mihring 60,000 velin nunna hlu tak an chan a. Thi zingah chuan Opera Singer Antonio Morelli pawh a tel ve nghe nghe a. A ruang an hmuh chhuah chuan, mak tak maiin, hliam tuar miah lovin In chim karah a lo awm a. Mahse, mak tak maiin a lû (sam) a lo țuak vek mai a ni.
4. Australia rama Cairns hmuna cheng hmeichhe naupang kum 6 mi, Marlie Coleman chuan kum 2000 khan an In hnunglam huana saphaiin a Uite a dawlh tuma a zial mek chu theihtawp chhuahin saphai chu a lo bei let ve a, saphai chuan a hmui ah seh sak nghe nghe. An thawm chu a Nu ten hriain an rawn chhan chhuak ta a ni. He hmeichhe naupang huaisen hi chawimawina sang tak RSPCA Humane Award an pe nghe nghe a ni. (Țhian chhan thih ngam lu pua a țhianpa chhanchhuaktu Mizo naupang huaisen Chhandama pawh kha a chhuanawm takzet a, vawiin ni thleng hian Mizote rilruah a huaisenna khan Thian-chhan thih-ngam khawpa huaisen turin min thu a la sawi reng a ni)
5. Kum 1996 khan, Peru rama tlangval pakhat chu a țhiante nen khawlaia an vahchhuah laiin, a țhiante hmuh lai rengin boruakah a thamral ringawt mai a ni. Vawiin ni thlengin hmuh a ni ta lo. Khawi lamah tak khawsa zel ang maw!!!
6. Kum 2002 khan Ellestville, Indiana ah Jim Bristoe chuan Laipui a siam a. A mu atan Mai(pumpkin) a hmang!! He Laipui hi a dawt/ ngul pawh 30ft zeta sei a ni a. A mu hi darkar khata km 1450 a chaka thlawk chhuak tura a ruahman a ni a. An test hmasak ber chuan Mai chu an kap chhuak ta ngei a, mahse Car pakhat a lo tlan fuh hlauh mai a, a hnunglam darthlalang a kap tlang zawk mai.
7. Kum 2003 July thla khan Berlin, Germany a bawlhhlawh paihna hmuna thawktute chuan bawlhhlawh zinga pa pakhat lo tawm reng an hmu chhuak nawlh mai a. A chanchin an zawh chian chuan bawlhhlawh zingah kum 10 zet a lo khawsa reng tawh a. Bawlhhlawh zinga ei tur an paih chu a lo ei ve mai thin a ni. Puanlum pakhat leh thlengkum chiah a nei a, rilru a dek viau a ni. (Leilunga chhuak ei-in tur tam tak hian mihring rilțam ngawih ngawihte a daih em em laiin, hmun țhenkhatah chuan rilțam luat vangin naupang tam takin nunn hlu tak an chân zel zawng a nih hi maw!!! (AKZ)
8. New York nu pakhat chu a thi tih chiang taka an confirm hnu ah a vuina hun an hmang a. Vuina hun an hman laklawh lai chuan kuang atangin a rawn
thu chhuak hlawl mai a. A bula lo thute chu engnge an tih a rawn zawt heu mai. A bula lungchhe vankaia lo țhu ngawi reng a fanu chuan mak a ti ngang mai a, mak atih luat vangin a tlu tawp a, a thi zui ta nghal a ni. Thihna kan tih pawh hian a hun a lo thlen meuh chuan tinzawn deuh bik riau a nei ngei a nih hmel, a hun a la thlen miau loh chuan thihna kutvawt meuh pawh hian ngamloh fa a tawng ve fo thin niin a lang, vanduai leh vannei kar erawh a hla hle thung.
9. Râwng sen hian vanneihna a keng tel țhin niin hnam țhenkhat chuan an ngai deuh ni ngei tur a ni. Bolivia rama mi tam tak chuan Kumtawp Ni a lo thlen hian underwear sen an ha thin
a. Chu chuan kum thar atan vanneihna a rawn herchhuahpui turah an ngai a, Kum tawp dawn ni-ah chuan underwear zuartute chuan, rawng sen lam hlir an pho chhuak thin a ni. Tin, Chinese ho pawh khian, rawng sen hi vanneihna nen a inkungkaih tlatin an ring a, an kumthar niah chuan puithu takin rawng sen hi an leklam hle a ni. (Kan pu Chhura khan engtin tak lo ngai ve ang maw!!!)
10. Neville-a chu kum 17 mi anih laia Moped a khalh laiin Taxi in su hlum a. Kum khat ral hnuah, a nau Erskine Lawrence Ebbin-a chu kum 17 mi lo niin, a u Neville-a Moped khalh laia sutu taxi ngai bawk khan a su hlum ve leh a. Taxi driver hi Neville-a sutu driver bawk niin, passenger te pawh angai vek zuk ni tlat pek a!!!
11. Shangdong Province-a sipai damdawi in a inentir nu pakhat kum 24 mi, fa pakhat nei chu MRI-a a thlûak an endikna lamah a thlûak zatve a awm lo tih an hmuchhuak a. A dang a âwk deuh a, a kal ngil lo deuh tih mai loh chu buaina dang a nei lo.
12. Ui hian cancer awmna leh awm lohna thisen hnimin a hre hrang thei tih 2004 atangin hmuhchhuah a ni a. Phing, chuap, hnute, chhul leh prostate cancer hriatna atan te an enchhin mek a. Italian Ministry of Defence hnuaia Military Veterinary Centre-ah ui (German shepherd) an khawi fin chuan prostate cancer 98% a hnim dik thei a ni.
13. Khawvel ram pakhat leh pakhat indo tawh zinga reilo ber chu, Kum 1896 -a Britain leh Zanzibar-te indona kha a ni. minute 38 chiah an indo hman a, Britain-in hnehna changin khawvela indo rei lo bera chhinchhiah ani nghe nghe.
14. Amazon basin ngawpui rilah khuan Lui pakhat mel 4 laia sei a awm a. Lui dang ang lo takin Shanay leh Timpishka inkara Lui luang chu a sa em em mai a, a so hian a so burh burh mai a ni. A sat lam pawh 91°C ( 196°F) lai a ni.
15. France lal King Louis XIV kha zing dar 7:45 ah a thi a. A thih rual chiahin a sana a thi ve nghal a, a nung thei tawh lo reng reng mai a. A naupan laiin hrilhlawktu pakhatin no 21 lakah fimkhur turin a hrilh a. A inveng fimkhur hle na a, January ni 21, 1793 a thi ta tho a ni.
16. Vietnam nula pakhat, Nguyenthi Phuong kum 26 mi chu lui lam sa a eisual avangin zankhat thil thuah pitar kum 70 mi vel hmel puin pitarah a chhuak der mai a. Damdawi chi hrang hrang hmanga an enkawl ngial pawhin zia lam a pan thei reng reng lova, zankhat thil thu-ah tih danglamin a awm ta anih tak ber chu maw!!!
17. Kum 1953 khan Air Force pilot Felix Monica leh operator Robert L.Wilson te chu Lake Superior chunga an thlawh laiin an rader chuan an bul lawkah thil thlawk pakhat a man fuh tlat mai a. Chu chu Base lamah a rang lama hriattir nghal a ni a. An hmuh hnuhnun berah chuan, chu thil thlawk leh Monica te chuanna thlawhna chu insi rialin an thlawk dun a. Mahse, hei hi Monica te leh an Thlawhtheihna chanchin an hriat tawpna a ni ta. An bo hlen ta hmiah mai a ni.
18. Kum 1959 khan, Britain nu pakhat Mabel Chinnery chu a pasal nen thlanmualah kalin a nu thlan an tlawh a. A nu thlan kianga amah lo nghak rengtu a pasal Car chhunga lo țhu ve reng chu a thla a laksak a. Thlalak an han print chhuah meuh chuan a pasal thutna car back seat-ah chuan a nu thi tawh chu a lo țhu ve reng mai a ni. Mi thiamten an enfiah ngial pawhin siam chawp ni lovin a nu ngei chu a ni si a. A thla a ni ngei ang le!!! (Lau lau)
Pic: Tibet pasalthate
Ngsihnawm thin khawp mai...
ReplyDelete