Khawvelah hian mihringte chenna khawpui hlun tak, khawpui rinawm tak tak a chanchin chhuizui tur awm lova bo ta a awm nual mai a. A țhen erawh achhan leh vang hriat ni lova an rauhsan tak pawh sawitur a awm nual mai. Chung ho chu mawlmang takin tlem han hrut hmasa ila.
A hunlaia Khawpui lian ber nihna lo hauh tawhtu Angkor khawpui, Cambodia-ram ami hi a hunlai chuan, mipui maktaduai chuang fê an lo cheng tawh thin nia sawi ani a. A khawpui zauzawng ringawt pawh hian Mel 30 a huam hem mai. Dilin a hual chhuak vek a, a hunlai na na na chuan amah han ter phatu khawpui dang a awm an ring lo hial a ni. Mahse AD 1100 ah kha chuan luahtu awm lovin khaw ram a chang ta a. French Naturalist, Henri Mouhot chuan kum 1861 ah a hmuchhuak a, chuta tang chuan, he Angkor khawpui hlui hi nang leh kei pawhin kan lo hmelhriat phah ve ta a ni.
Atlantis khawpui bo ta chanchin pawh hian mite ngaihven a hlawh viau a;mahse, Mediterranean tuipui-in kum 1200 lai vel khan a lem bo ta nia ngaih ani a, tuilet leh lirnghing vanga tluchhe ta nia ngai an awm bawk.
Khawpui rauhsan pakhat Chichen Itza, Mexico-ram ami hi Mayan-ho din anih rin ani a; an khawpui sakdan leh cheidan atang chuan AD 400 hunlai vela din nia ngaih ani. AD 1200 vel khan a chhunga cheng mihring ten an rauhsan ta niin an ngai bawk a ni.
Kum 1888, Dec 18 khan, Colorado, USA Loneitu pakhat, Richard Wetherill chuan a ranrualte a zawnna lamah Mesa Verde (Cliff Palace) antih Red Indian khawpui pakhat chu a hmuchhuak hlauh mai a. Chu khawpui chu kham-chhawrdawh
Khaw-kheng rei tak an tuar avang leh țampui kum ten a nanchin avangin kum zabi 13 na lai khan he khawpui hi an rauhsan ta a ni.
Kum 1911 khan Peru-ah America Exploer, Hiram Bingham chuan Inco-ho khawpui hlui pawimawh tak Machu Picchu khawpui hlui a hmuchhuak a, țlang chunga awm niin kulh ropui takin a hual nghe nghe a. Hiram Bingham hian Inca-ho khawpui hlui tho Vilacabamba hmuhchhuah tuma a zawnna lamah he khawpui hlui hi tum loh deuhva a hmuchhuah a ni.
Khawpui hmingthang tak, AD 79 a Mount Vesuvius tlangkang rapthlak takin a chhilh bo tak Pompei khawpui chu hmuhchhuah Leh tumin 1748 atang khan thil hlui laichhuak mite (archaeologists
Khawpui hlui an hmuhchhuah zinga hmingchher tak Turkey-rama Troy khawpui hi, an hmuhchhuah hma chuan hmanlai thawnthu chauha awm nia ngai an awm a. Amaherawh chu kum 1870 chho vel khan, Troy khawpui hmun hlui chu an hmuchhuak ta hlawl mai a; mi tamtak ngaihdan a sawt sawn dawrh mai a ni.
Ur khawpui, Iraq-rama an laichhuah hi kan Bible-ah pawh a hming lang hial. A hunlai chuan khawvela khaw ropui ber pawl nia sawi a ni. BC 4-na vel khan a chhunga cheng ten an rauhsan ta a. Kum 1922 atanga 1934 khan, an Lalte thlan In ropui tak tak te, hmun pawimawhte leh an rohlu tam tak chu Archaeologists hovin an laichhuak ta a ni.
Khing a chunga Khawpui hlui rauhsan takte khian malkhai ralah chuan chanchin ngaihnawm em em nei vek an ni a;amaherawhchu tunțumah chuan" The Lost City Of Z" hi thlurbing chhin ang hmiang.
Sap-ho hian kawng tinrengah hnampui nih an lo tlin thin khawp mai. Thil hlui zawn lamah pawh sul su hmasatu an ni zel a, thirchhe zawng hmasa bertu pawh an ni lovang tih tunge sawi thei!
The Lost City of Z an tih hi thawnthu mai nge anih a, nge a tak takah a lo awm awm ngei tih finfiah tumin mi tam takin South America ram ngaw chhungah zawng turin an fehchhuak fo va;amaherawhchu
He khawpui chanchin hi ziaktu an awm nawk a, chungho zinga mi pakhat, kum zabi-16 na vela ziaktu chuan, City of Z-ah hian mingo-ho an cheng a, ralthuamah an sang viau a, hmeichhe raldo mi pawh tamtak an cheng niin a ziak bawk a. Tin, an khawpui pawh kulh rinawm tak nena hung chhuah vek niin a ziak bawk a ni. Tin, he khawpui chanchin hi, Pourtuguese slave-hunter Joao da Silvia chuan, National Library of Rio de Janerio a thuziak tarlanna hmunpui Manuscript 512-ah ngaihnawm takin a ziak bawk a.
Joao da Silvia Guimaraes-a sawidan chuan 1753 kum laihawl vel khan, he khawpui hi a tlawh niin a sawi a. Mahse, khawpui dinna lai tak chu a hriat tawhloh thu a sawi mauh mai bawk. Khawpui chhunga mite khawsak dan leh an hausak dan te leh an ralthuam chanchin thlenga sawi chipchiar thei khan, a khawpui dinna hmun a mangnghilh tlat mai kha, thil mak tak zawng ani ngei mai.
Tichuan, hun alo kal zela kum 1900 a rawn herchhuah chuan Lt. Colonel Percy Fawcett chuan The Lost City of Z chanchin chu a lo hre ve a. A tuina leh a bengverh zawng tak anih avangin chu khawpui chanchin chu hriatzau tumin Rio de Janerio (Brazil) ah a kal a, khawpui chanchin hriat belh mah se a awmna hmun kawhhmuh theitu tur an awm tlat lo va. Amaha zawnchhuah a rilruk lai takin Indoui I-na a lo chhuak a, a thil buaipui pawh chu a tawpsan ta rih a.
Lieutenant Colnel Percy Harrison Fawcett hi British Army a tang lai ani a, amah thlawp em emtu a fapa Jack pawh, hetiang lam tuimi tak ani nghe nghe a. Lt Col Fawcett hian Barzil a Mato Grosso ngawpuiah hian tunhma a thawnthu a Atlantis khawpui, tuifinriat mawng a pil ta atanga dam khawchhuak ho kha an awm a ring tlat bawk a. Chungho chuan, Mato Grosso ngaw chhungah ‘Lost City of Z’ an tih chu an din ngei niin a ngai tlat bawk a ni. Tichuan April,20, 1925 khan a fapa Jack leh Raleigh Rimell te hruaiin an thawkchhuak ta poh a.
Lt Col Fawcett chuan Brazil khawpui pakhat Rondonia atangin April 20-khan, London ah thirhrui kaltlangin South American ramngaw chhah chhunga khawpui hlui leh mite hriat ngailoh thuruk inthup tam tak haichhuah ngei atum thu chu uar takin a sawi a. Chumi hnuah May 29 khan an innghahna Dead Horse Camp Xingu Basin hmun atangin American Newspaper Alliance te hnenah thirhrui a thawn leh a, “Hlawhchham a hlauhawm lo, kan hlawhtling dawn e,” tih a thawn leh a. Chu chu, an chanchin an hriat hnuhnun ber a ni ta a ni. Tawkfang an han ngaihchan ngial pawhin Lt Col Fawcett te chu an chanchin hriatzui tur awm lovin an reh hlen ta hmiah mai a ni.
Lt Col Fawcett te zawng tur hian țum engemaw zat mi dang an fehchhuak a, mahse, chanchin lawmawm hawn reng hriattur a awm lo a ni. Mi țhenkhat chuan, Lt Col Fawcett te hian an pathum hian hnam mawl ho zingah khawsain nupui fanaute an nei ang a, an inbengbel ta ani ang an ti a. Thenkhat ve thung chuan, hringei hovin an thata an sa an ei a ni ang an ti ve bawk a. Vawiin ni thleng hian an chanchin hi rinhmang leh ngaihruatna bak lo chuan engmah thu chiang a awm thei ta lo a ni.
South America ah hian tuma la daidar lohna ramngaw chhak pilril tak tak leh
zau tak tak a awm teuh mai a. Heng ngaw chhungahte hian eng chiah nge awm tih tuman an hre chiang lova. Brazil rama Mato Grosso ah ngei pawh hringei kan tih mai thin, hnammawl ho an awm ngei tih chu hre mah se, tuman an chian tak tak ngai lem lova, Lt Col Fawcett te bodan chanchin hi "Lost City of Z" zawn chanchina a lar ber pawl chu ani hial awm e.
*Source: Listverse/
No comments