Mahni hlir inngaihsanna leh mahni țanghma chauh sialna khawvelah hian mahni ram leh hnam tana mahni nunna ngei hlan ngam emaw, mahni neih chhun thil hlu tak chan ngamna thinlung put hi thil tênau a ni hauh lo mai. Chutiang tingam chu mi huaisen leh pasaltha te chauh neih theih a ni a, chutiang mi chu ram leh hnamin a chawimawi lo thei lo a ni.
Kum zabi pariat lai atanga tawh khan Europe chhim thlang lam khu Islam sakhaw bia Moors hnam chuan kum zanga chhung teh meuh an awp a. Ral beih lamah an huaisen ngang mai a, ram an la duai duai a, an ram lak tawh chinah chuan awm hmun ngelnghet an rem nghal zel a. An sakhuaah mi tam tak an seng lut zung zung mai a ni. Moors ho ram lak zingah chuan Spain ram pawh a tel nghe nghe a. Hun a lo kal zel a, kum zabi 13-na chawhnu lamah chuan Satile leh Aragon biala Spain hnamte chu Moors ho lakah an hel ta a, Moors ho chu an nawr kir a, an khawpui țhut leh ram awpte pawh an chhuh sak leh ta a. Chutih laia Spain-ho hruaitu ber chu Sanchov (V) a ni a.
Spain ho chu an țan hmun a rawn țha chho zel a, Kum 1292 a lo thlen chuan Moors ho țhutbeh mek Tarifa khawpui chu la kir leh tumin Spain-ho chu an inpuahchah mup mup mai a. Tarifa khawpui chu khaw thlanglam atanga Mediterranian tuipui luhna kawtchhuaha awm a ni a. Nimahse, Moors ho chuan khawpui luhna chu lung lian pui puiin an kulh bur mai a, Spain ho tan chuan han luh mai theihna chi a ni tlat lo. Mahse Tarifa khawpui chu lak dan kawng khat a awm a, chu chu, khawpui chhunga mipuite ei tur neih loh thlenga hrek rilțama an inpek hun lo nghah tawp chu kawng awm chhun a ni ta.
Tichuan, Spain ho chuan Tarifa khawpui chu an hual ta a. Beidawng miah lovin thla ruk chhung teh meuh an hual hnu chuan Moors ho chu an țam nasat em avangin an tlawm lo thei lova, Spain ho kutah an inpe hlawl ta mai a ni. Nimahsela lal Sanchov chuan harsatna lian tak a hmachhawn leh ta tlat mai. Moors ho chauh kha rilțam an ni lova, a sipaite ngei ngei pawh chu an țam ve tlat mai. Chuvang chuan Tarifa khawpui chu kirsan leh mai a rilru ta a. Chutia lal Sanchov-a'n a rilru a khap vel lai chuan sipai Officer pakhat hian a hote nen Tarifa khawpui chu kum khat chhung lo ven him a, chumi hnuah lal thu hmu Officer dang hnenah hlan chhawng turin a dil a. Chu dilna chu lal Sanchov-a rilrem zawng tak a lo ni a, chu dilna chu a pawm ta a. Kum khat a tlin hma deuhin lal chuan chu Officer kut atanga la chhawng turin mi huaisen leh ngilnei zet, Gusman-a a rawn tir leh a.
Gusman-a chu mahni mawhphurhna hlen dawn loh ai chuan mahni nunna meuh pawh thap ngam khawpa mi huaisen anih avangin lal Sanchov chuan a ring em em a ni. Tichuan, Gusman leh a chhungte zawng zawng chu Tarifa khawpui chhungah chuan an khawsa a. Khawpui chu nghet takin an kulh tlat bawk a. Nimahse, hetih lai hian a fapa neih chhun erawh an lal Sanchov-a fapa, Don Juan-a hnung zuiin a awm thung a.
Chutih lai chuan Don Juan-a chu, a pa unaute lalțhutthleng chhuhsak tumin Portuguese ramah a biru mek a. Nimahsela lal Sanchov ngenna angin Portuguese lal chuan Don Juan-a chu a ram atangin a hnawt chhuak ta a. Don Juan-a mangang chuan Moors lal Yusuf Yacoub hnenah phakar chhuahin a intulut a. Moors lal hnenah, "Sakawr chungchuang mi sanganga min pela Tarifa khawpui chu lalber Sanchov kut atangin ka lakkir sak leh ang che," tiin a dil a.
Moors lal chuan sakawr chuang mi sangnga chuan lal Sanchov chu hneh ngaihna a awm lo tih a hai hauh lo. Mahse Don Juan chuan Tarifa khawpui lak theih dan awlsam tak a hre tlat. Chu chu thil dang ni lovin a hnung zuitu Gusman fapa mal neih chhun chu tawktarha hman a, Tarifa khawpui leh Gusman-a fapa nunna chu thlengah vau a tum a, chutiang ruahmanna chuan Tarifa khawpui vengtu Gusman chu kâr a tum ta a ni.
Hetiang tihdan hi tun hma pawhin an lo ching tawh thin a. Amah Don Juan-a pa ngeiin Zamora khawpui lak tumi a bei ngheng tawh a; a hlawhchham titih a. Mahse Don Juan-a chuan khawpui awptu fapa chu a man a, an kuta khawpui a pek loh chuan a fapa chu thah ah a vau a, khawpui awptu chuan a ngaingam ngang lova, khawpui chu an lak phah ta a. Chumi țuma an hlawhtlinna kawng chu Don Juan-a'n a hriat reng vanga hetiang kawng bawk hi thlang leh ta a ni a.
Don Juan chuan Tarifa khawpui kulh sirah chuan a hnung zuitu Gusman fapa chu an man a, a nghawngah chuan chem a chuktuah a, "He i fapa nunna hi i la duh a nih chuan khawpui hi min pe mai rawh , a nihloh chuan i fapa hmel hi i hmu leh ngai tawh lovang," tiin kulh chunga awm Gusman chu a han au ta a. Gusman-a'n a hriat chuan a tan duh thlan tur kawng hnih chauh a awm tih a hai lo. A fapa nunna humhim a hnam hming tih chhiat leh khawpui chu hmelma kuta hlan nge, an hnam leh khawpui humhim nana a fapa neih chhun chu hmelma kuta hlan tih chu a kova duhthlan tur innghat awm chhun a ni ta. Hetiang hun harsa leh chep tak karah hian mi huaisen leh dawihzep inkar chu a zau em em a. Mi puitling leh puitling lote duhthlanna pawh lei leh van ang maiin a inhlat thin reng a ni.
Gusman chuan a fapa țap zawih zawih leh dam thlahlel tak chu mittui parawl țeuh chungin a thlir vang vang a, a rilru a nâ kher mai. Mahse hmelma thu hnuaia kun hniam chu a tum hauh lo, "Hei Don Juan, ka fapa kha ka ram leh hnam hralh nan leh phatsan nana ka hring ka ni lo, ram leh hnam hmelma tana mi hnawksak, nanani anga phatsantu misualte boralna tura ka hrin a ni a sin! Ka fapa kha i that a ni thei e;mahse, i hnamte chil chhakna tuiin a la len bo tho tho dawn che a ni. Kei erawh chu ka hming a țha deuh deuh ang a, ka fapa pawh kha that mah la, a nunna zawng i la ngei ang, a hming erawh chu a ropui kumnkhua thung dawn. Chuvangin ka ram leh hnam phatsan tura ka inhnuhhniam chu ring duh suh. Kha, ka fapa thah nan chem i nei lo anih chuan, ka chem hi hmang ta che," tiin a chem chu a phawi a, Don Juan-a hma takah chuan a vawm thla ta a, hlauh hmel pawh pu eih lovin kulh chhungah chuan a luhsan ta daih a.
Nakinah chuan mipuite chu an ri ta mur mur mai a. Chu veleh Gusman chu hmanhmawh takin kulh pawn lamah chuan a rawn dak chhuak leh a. Don Juan chuan a fapa chu a thahsak tak avanga mipui chiai thawm mai a ni tih a hriat chuan,"A! Khawpui chhungah hmelma an lo lut ta emaw ka tia," tiin kulh chhungah bawk chuan a luhsan leh a. Dik tak chuan Gusman chu a rilru a nâ a ni. Mahse, a hnam leh khawpui chân ai chuan a fapa mal neih chhun ngawih ngawih chu chân a huam tlat mai. Don Juan-a lakah tlawm a tum reng reng lo.
Don Juan-a chuan a intiam angin Tarifa khawpui chu Morocco lal hnenah a pekir leh thei ta si lova, a mangang em em a, lal dang belh tur a dap ta ruai mai a, nakinah chuan awm hmun bulbal pawh nei lovin mi thah hlau reng rengin a dam chhung hun chu a hmang ta a ni.
Hmelma laka mahni fapa mal meuh pawh chân ngamtu Gusman erawh lalber Sanchov chuan a ngaisangin a zah em em a, chhuan tam tak thlenga entawn turin a chawimawi a. A huaisenna leh ram leh hnam a hmangaihna chu khawvela Spain ho an awm chhung chuan an theihnghilh tawh dawn lo a ni.
Tlukchhiatna leh thlemna kan tih hi, ka mi hmangai te, kan kawmngeih te, kan unaute leh kan hnaivai takte atang hian a rawn thleng duh chak. Chutiang chu thlauh thla ngam tura huaisenna kan tlakchham avangin vawiin ni thleng hian kan ramin rawk leh suam a la tawk zel a nih tak hi!! Pa-te gerep thur ei avangin fate ha țim chang awm țhin mah se fate sual vanga nu leh pate zah ngawih ngawihna pawh a thleng fo reng a ni. Kan fanu fapate an khawlo a nih chuan a hun leh hmun thlir chung zelin zilhhau ngam ila, an felna ah chawimawi dan thiam riau bawk ila hlawhtlinna pawh sawi loha lumin kan chang ngei ang.
Ram ropui leh hnam ropui kan tihte hian an hnam mi leh sa, an unaute chawimawina kawngah hian an fakawmin, entawn an tlâk hle. Gusman anga mi rinawm leh huaisen hi kan ram chuan a mamawh ngawih ngawih a, mahni mawhphurhna hlen ngam lo erawh kan ram hmelma hlun a ni thung. Hnampui-ho tihdan entawn a, an kekawrte tiat lek lek ang ha ngam, saruaka thla la ngam, an nun dan țhalo lam a kilkhawr ber thlenga entawn ngamte hi chuan an thi țhatih lam pawh hi entawna a taka nun chhuahpui i tum zel ang u. A chhe lai chauh seng lut lovin a tha kan hriat apiang chu seng luh ve zel kan tum tur ani dawn lawm ni.
Kum zabi pariat lai atanga tawh khan Europe chhim thlang lam khu Islam sakhaw bia Moors hnam chuan kum zanga chhung teh meuh an awp a. Ral beih lamah an huaisen ngang mai a, ram an la duai duai a, an ram lak tawh chinah chuan awm hmun ngelnghet an rem nghal zel a. An sakhuaah mi tam tak an seng lut zung zung mai a ni. Moors ho ram lak zingah chuan Spain ram pawh a tel nghe nghe a. Hun a lo kal zel a, kum zabi 13-na chawhnu lamah chuan Satile leh Aragon biala Spain hnamte chu Moors ho lakah an hel ta a, Moors ho chu an nawr kir a, an khawpui țhut leh ram awpte pawh an chhuh sak leh ta a. Chutih laia Spain-ho hruaitu ber chu Sanchov (V) a ni a.
Spain ho chu an țan hmun a rawn țha chho zel a, Kum 1292 a lo thlen chuan Moors ho țhutbeh mek Tarifa khawpui chu la kir leh tumin Spain-ho chu an inpuahchah mup mup mai a. Tarifa khawpui chu khaw thlanglam atanga Mediterranian tuipui luhna kawtchhuaha awm a ni a. Nimahse, Moors ho chuan khawpui luhna chu lung lian pui puiin an kulh bur mai a, Spain ho tan chuan han luh mai theihna chi a ni tlat lo. Mahse Tarifa khawpui chu lak dan kawng khat a awm a, chu chu, khawpui chhunga mipuite ei tur neih loh thlenga hrek rilțama an inpek hun lo nghah tawp chu kawng awm chhun a ni ta.
Tichuan, Spain ho chuan Tarifa khawpui chu an hual ta a. Beidawng miah lovin thla ruk chhung teh meuh an hual hnu chuan Moors ho chu an țam nasat em avangin an tlawm lo thei lova, Spain ho kutah an inpe hlawl ta mai a ni. Nimahsela lal Sanchov chuan harsatna lian tak a hmachhawn leh ta tlat mai. Moors ho chauh kha rilțam an ni lova, a sipaite ngei ngei pawh chu an țam ve tlat mai. Chuvang chuan Tarifa khawpui chu kirsan leh mai a rilru ta a. Chutia lal Sanchov-a'n a rilru a khap vel lai chuan sipai Officer pakhat hian a hote nen Tarifa khawpui chu kum khat chhung lo ven him a, chumi hnuah lal thu hmu Officer dang hnenah hlan chhawng turin a dil a. Chu dilna chu lal Sanchov-a rilrem zawng tak a lo ni a, chu dilna chu a pawm ta a. Kum khat a tlin hma deuhin lal chuan chu Officer kut atanga la chhawng turin mi huaisen leh ngilnei zet, Gusman-a a rawn tir leh a.
Gusman-a chu mahni mawhphurhna hlen dawn loh ai chuan mahni nunna meuh pawh thap ngam khawpa mi huaisen anih avangin lal Sanchov chuan a ring em em a ni. Tichuan, Gusman leh a chhungte zawng zawng chu Tarifa khawpui chhungah chuan an khawsa a. Khawpui chu nghet takin an kulh tlat bawk a. Nimahse, hetih lai hian a fapa neih chhun erawh an lal Sanchov-a fapa, Don Juan-a hnung zuiin a awm thung a.
Chutih lai chuan Don Juan-a chu, a pa unaute lalțhutthleng chhuhsak tumin Portuguese ramah a biru mek a. Nimahsela lal Sanchov ngenna angin Portuguese lal chuan Don Juan-a chu a ram atangin a hnawt chhuak ta a. Don Juan-a mangang chuan Moors lal Yusuf Yacoub hnenah phakar chhuahin a intulut a. Moors lal hnenah, "Sakawr chungchuang mi sanganga min pela Tarifa khawpui chu lalber Sanchov kut atangin ka lakkir sak leh ang che," tiin a dil a.
Moors lal chuan sakawr chuang mi sangnga chuan lal Sanchov chu hneh ngaihna a awm lo tih a hai hauh lo. Mahse Don Juan chuan Tarifa khawpui lak theih dan awlsam tak a hre tlat. Chu chu thil dang ni lovin a hnung zuitu Gusman fapa mal neih chhun chu tawktarha hman a, Tarifa khawpui leh Gusman-a fapa nunna chu thlengah vau a tum a, chutiang ruahmanna chuan Tarifa khawpui vengtu Gusman chu kâr a tum ta a ni.
Hetiang tihdan hi tun hma pawhin an lo ching tawh thin a. Amah Don Juan-a pa ngeiin Zamora khawpui lak tumi a bei ngheng tawh a; a hlawhchham titih a. Mahse Don Juan-a chuan khawpui awptu fapa chu a man a, an kuta khawpui a pek loh chuan a fapa chu thah ah a vau a, khawpui awptu chuan a ngaingam ngang lova, khawpui chu an lak phah ta a. Chumi țuma an hlawhtlinna kawng chu Don Juan-a'n a hriat reng vanga hetiang kawng bawk hi thlang leh ta a ni a.
Don Juan chuan Tarifa khawpui kulh sirah chuan a hnung zuitu Gusman fapa chu an man a, a nghawngah chuan chem a chuktuah a, "He i fapa nunna hi i la duh a nih chuan khawpui hi min pe mai rawh , a nihloh chuan i fapa hmel hi i hmu leh ngai tawh lovang," tiin kulh chunga awm Gusman chu a han au ta a. Gusman-a'n a hriat chuan a tan duh thlan tur kawng hnih chauh a awm tih a hai lo. A fapa nunna humhim a hnam hming tih chhiat leh khawpui chu hmelma kuta hlan nge, an hnam leh khawpui humhim nana a fapa neih chhun chu hmelma kuta hlan tih chu a kova duhthlan tur innghat awm chhun a ni ta. Hetiang hun harsa leh chep tak karah hian mi huaisen leh dawihzep inkar chu a zau em em a. Mi puitling leh puitling lote duhthlanna pawh lei leh van ang maiin a inhlat thin reng a ni.
Gusman chuan a fapa țap zawih zawih leh dam thlahlel tak chu mittui parawl țeuh chungin a thlir vang vang a, a rilru a nâ kher mai. Mahse hmelma thu hnuaia kun hniam chu a tum hauh lo, "Hei Don Juan, ka fapa kha ka ram leh hnam hralh nan leh phatsan nana ka hring ka ni lo, ram leh hnam hmelma tana mi hnawksak, nanani anga phatsantu misualte boralna tura ka hrin a ni a sin! Ka fapa kha i that a ni thei e;mahse, i hnamte chil chhakna tuiin a la len bo tho tho dawn che a ni. Kei erawh chu ka hming a țha deuh deuh ang a, ka fapa pawh kha that mah la, a nunna zawng i la ngei ang, a hming erawh chu a ropui kumnkhua thung dawn. Chuvangin ka ram leh hnam phatsan tura ka inhnuhhniam chu ring duh suh. Kha, ka fapa thah nan chem i nei lo anih chuan, ka chem hi hmang ta che," tiin a chem chu a phawi a, Don Juan-a hma takah chuan a vawm thla ta a, hlauh hmel pawh pu eih lovin kulh chhungah chuan a luhsan ta daih a.
Nakinah chuan mipuite chu an ri ta mur mur mai a. Chu veleh Gusman chu hmanhmawh takin kulh pawn lamah chuan a rawn dak chhuak leh a. Don Juan chuan a fapa chu a thahsak tak avanga mipui chiai thawm mai a ni tih a hriat chuan,"A! Khawpui chhungah hmelma an lo lut ta emaw ka tia," tiin kulh chhungah bawk chuan a luhsan leh a. Dik tak chuan Gusman chu a rilru a nâ a ni. Mahse, a hnam leh khawpui chân ai chuan a fapa mal neih chhun ngawih ngawih chu chân a huam tlat mai. Don Juan-a lakah tlawm a tum reng reng lo.
Don Juan-a chuan a intiam angin Tarifa khawpui chu Morocco lal hnenah a pekir leh thei ta si lova, a mangang em em a, lal dang belh tur a dap ta ruai mai a, nakinah chuan awm hmun bulbal pawh nei lovin mi thah hlau reng rengin a dam chhung hun chu a hmang ta a ni.
Hmelma laka mahni fapa mal meuh pawh chân ngamtu Gusman erawh lalber Sanchov chuan a ngaisangin a zah em em a, chhuan tam tak thlenga entawn turin a chawimawi a. A huaisenna leh ram leh hnam a hmangaihna chu khawvela Spain ho an awm chhung chuan an theihnghilh tawh dawn lo a ni.
Tlukchhiatna leh thlemna kan tih hi, ka mi hmangai te, kan kawmngeih te, kan unaute leh kan hnaivai takte atang hian a rawn thleng duh chak. Chutiang chu thlauh thla ngam tura huaisenna kan tlakchham avangin vawiin ni thleng hian kan ramin rawk leh suam a la tawk zel a nih tak hi!! Pa-te gerep thur ei avangin fate ha țim chang awm țhin mah se fate sual vanga nu leh pate zah ngawih ngawihna pawh a thleng fo reng a ni. Kan fanu fapate an khawlo a nih chuan a hun leh hmun thlir chung zelin zilhhau ngam ila, an felna ah chawimawi dan thiam riau bawk ila hlawhtlinna pawh sawi loha lumin kan chang ngei ang.
Ram ropui leh hnam ropui kan tihte hian an hnam mi leh sa, an unaute chawimawina kawngah hian an fakawmin, entawn an tlâk hle. Gusman anga mi rinawm leh huaisen hi kan ram chuan a mamawh ngawih ngawih a, mahni mawhphurhna hlen ngam lo erawh kan ram hmelma hlun a ni thung. Hnampui-ho tihdan entawn a, an kekawrte tiat lek lek ang ha ngam, saruaka thla la ngam, an nun dan țhalo lam a kilkhawr ber thlenga entawn ngamte hi chuan an thi țhatih lam pawh hi entawna a taka nun chhuahpui i tum zel ang u. A chhe lai chauh seng lut lovin a tha kan hriat apiang chu seng luh ve zel kan tum tur ani dawn lawm ni.
No comments