Lawng hrang chanchin hi ngaihnawm ka tithin khawp a, mahni tuina lam nana na chu han thai leh pauh ang aw.
Khawvel lawng lian hmingthangte zinga mite hriat hlawh tak Queen Mary chu kum 1930 khan, John Brown & Company Clydebank, scotland-mite chuan an tuk țan a. Kum 1936, May 27-ah peih fel a ni. Kum 1936 vek hian North Atlantic tuipuiah a zinkawng chu a zawh tan ta a ni.
Tonnage 81237 GTR zeta rit niin, a dung seizawng ringawt pawh 1,019.4 ft ani hem mai. Tin, 181 ft laia sang a ni bawk a, Southampton leh New York-ah a kar tawn ber thin a. December 9, 1967 khan Long Beach, California-ah a chawl ta a ni.
Hlawhtling taka vawi 1000 chuang zet North Atlantic tuipui chunga a zinkawng a zawh lai hian harsatna a tawk nual a.
World War II hun lai khan, Queen Mary lawng chu Indo-lawng a tan buatsaih a ni a. Lawng rawng pawh a buang/vutbuak (grey) rawnga thlak a ni ta a. Chumi hnu atang chuan Queen Mary Lawng chu sipai tam tak thiarkual nana hman a ni a, Australian leh New Zealand sipaite chu Queen Mary hmangin United Kingdom-ah thiar lut an ni thin a, mi tam tak chuan a hmingah "The Grey Ghost" tiin an koh phah ta hial reng a ni.
He Queen Mary lawng lian zet mai hi, Dictator tawrawt zet Adolf Hitler-a khan, a ngaimawhin mutmawh hnarmawh takah a neih a, tihchhiat dan kawng tinreng a dap a. Queen Mary tipil theitu hnenah Pound 260,000 lai pek a tiam bakah, German Sipai chawimawina sang ber hlan a lo tiam tawh bawk a ni.
Chutia sipai tam tak phura zin kawng a zawh mek lai chuan, passenger phur lawng pakhat HMS Curacao nen vanduaithlak takin an insu ta hlauh mai a. Civilian mi 300 lai mai chuan nuna an chan phah a. Curacao Lawng zawk chu tuipui mawng thim chhah mup maiah chuan a pil bo ta a ni. Chutih rualin Queen Mary lawngpui pawh a chhe nasa ngiang mai; rang taka thuamțhat leh chei hnum zui niin a zin kawng chu zawh leh mah se, Curacao lawng nen an insut țuma mi tam takin nunna an channa hmun, Lawng pindan hnuai lamah chuan thil nihdan phung pangngai aia mak leh hriatthiam harsa thilmak a awm ta tlat mai a ni.
Queen Mary Lawmg hian khawvel lawng hrang (Ghost Ship) zingah hrang nasa ber nihna a hauh hial awm e. He lawng chhungah hian thilmak vawi 150 zet a thleng tawh a nia sawi a ni.
Lawng pindan hnuai bera "Door 13" hmunah phei chuan mihring thlarau an hmu zing hle a. Queen Mary Lawnga hnathawk John Henry-a thlarauin Lawng pindan hnuai, kawngkhar No. 13 chu a chenchilh tlat niin an sawi bawk a ni.
Tin, second class poolroom-ah tleirawl pakhat, Jackie thlarau thlarau hmuh anih thin bakah, a nui ri te, a au ri te hriat a ni fo mai bawk. First-class țhut hahdamna pindan kil thim chin-ah nula nalh tak pakhat amah chauhva lam lai hmuh ani thin bawk.
Kum 1930 chhova mite inthuam dan angin mitthi thlarau niawm tak hmuhtur a awm thin a, zanlaia Light lo in-on leh thut thin te, zing khawvar hnaih lama Phone lo ring leh ringawt thinte hriat tur a awm bawk a ni. Tin, third class children’s playroom-ah naute țap thawm hriat tur a awm thin bawk.
Queen Mary lawng hnuai pindan chhungah chuan, HMS Curacao lawnga chuangte an thih hmaa an mangang au thawm leh an nâ tuar au thawm hriat tur a awm ta fo mai a. Rum ri te, țap thawm te leh lawng chhuat puak keh țhuai țhuai thawmte a ni nawk hlawm a. Tin, tui inkhawh ri hum hum thawmte hriat tur a awm thin a ni.
Hun a lo kal zel a, Ghost Hunters leh Paranormal investigation lama mithiamte chuan Queen Mary lawng pindan hnauilam chu chhiatna a tawh țuma mi 300 thitate thlarau chuan a chenchilh chhunzawm ta zel niin an ngai hial a. Lawng pindan hnuaihnung ber, tui-hu chhuansona zem (boiler room) chu Tuifinriat zawlpui hnuai lam ft 40 zeta thukah a awm a, chumi hmun chu a hrang nasa ber leh hmun hlauhawm ber nia sawi a ni. Chumi hmuna thawktu thenkhat chuan, tui-hu kalna pipe puak ri țhuai țhuai thawm te, pindan bang puak keh dur dur thawmte an hre fo va, ni mahse, finfiah tuma an zu hnaih chuan engmah chutiang thil chhia awm reng hmuh tur a awm ngai lo.
Chutianga sawi neuh neuh leh mite maktih a hlawh viau tak vang pawh a ni mahna, Queen Mary lawng chu $3.45 million in, Long Beach, California-ah hralh a ni ta a, tuipui kam museum leh hotel atan hman chhunzawm ani a, nimahse, chutih lai pawh chuan thilmak leh dangdai tak tak Queen Mary lawngah chuan a la thleng cheu mai a ni.
kum 1966 July ni 10 khan, mei-sipai pakhat John Pedder-a chuan Queen Mary Lawng pindan hnuai ber khawl pindan kawngkhar No. 13 zawnah chuan, tu tih hriatloh mi pakhat kaltlang lai a hmu a. Chu a thil hmuh chu finfiah leh belhchian tumin a va kal hnaih a, chutih lai tak chuan thawklehkhatah kawngkhar a rawn inhawng țhuai mai a. Chu kawngkhar chuan John Pedder chu a vaw hlum ta der mai a ni.
Hemi hmuna hnathawk thinte chuan, mihring thlarau an hmuh thu an sawi zing hle bawk a. Chu thla chu John-a thla a nih thu an sawi mauh mai. Nupa tuak thar pawhin John-a thla an sawi thin chu an awih duh lova, chu pindanah chuan an lut lui hram a, mipa zawk hmaiah chuan Grease alo tahsak vak mai ani an ti.
Tin, Lawng pawnlam bathlara tuichenna hmun First class Swimming pool-ah passenger tam tak ten thilmak leh mitthi thlarau an hmuh thu an sawi thin bawk a. Chung zingah chuan, hmeichhe naupang pakhat Teddy Bear pawm chunga vak kual thin chu an hmu chamchi bawk. Tin, chumi hmunah chuan, kum 1930 hunlai vela hmeichhe tuichen-kawr nena inthuam hmeichhe țhenkhat thlarau pawh hmuhtu an awm mauh mai.
Nimahse, chung mihring thlaraute chu hmuhchian leh finfiah tuma an va kal hnaih chuan mak tak maiin an boral leh daih mai thin a ni.
Queen Mary Lawng pindan hnuai lamah chuan thawm mak pui pui hriat a ni thin a, kawngkhar kik ri vak vak thawm te, kawngkhar nasa taka khar rik țhuai thuai thawm te, boruak sa rawn chhuak thut thut thin te leh thil rimtui tak rawn nam veng vengte chu hriat tur a awm thin a ni.
Queen Mary lawnga thilthleng chanchin zirmite chuan, hemi hmun atang hian mitthi thlarauvin khawvela mihringte a rawn biak pawh duhna hmunah an ngai tawp mai a, a dik leh dik loh chu tu hriat phak a ni lova, chutih rualin mi tam tak chuan ramhuaite inlarna hmun ah an ngai tawp mai a ni.
Khawvel lawng lian hmingthangte zinga mite hriat hlawh tak Queen Mary chu kum 1930 khan, John Brown & Company Clydebank, scotland-mite chuan an tuk țan a. Kum 1936, May 27-ah peih fel a ni. Kum 1936 vek hian North Atlantic tuipuiah a zinkawng chu a zawh tan ta a ni.
Tonnage 81237 GTR zeta rit niin, a dung seizawng ringawt pawh 1,019.4 ft ani hem mai. Tin, 181 ft laia sang a ni bawk a, Southampton leh New York-ah a kar tawn ber thin a. December 9, 1967 khan Long Beach, California-ah a chawl ta a ni.
Hlawhtling taka vawi 1000 chuang zet North Atlantic tuipui chunga a zinkawng a zawh lai hian harsatna a tawk nual a.
World War II hun lai khan, Queen Mary lawng chu Indo-lawng a tan buatsaih a ni a. Lawng rawng pawh a buang/vutbuak (grey) rawnga thlak a ni ta a. Chumi hnu atang chuan Queen Mary Lawng chu sipai tam tak thiarkual nana hman a ni a, Australian leh New Zealand sipaite chu Queen Mary hmangin United Kingdom-ah thiar lut an ni thin a, mi tam tak chuan a hmingah "The Grey Ghost" tiin an koh phah ta hial reng a ni.
He Queen Mary lawng lian zet mai hi, Dictator tawrawt zet Adolf Hitler-a khan, a ngaimawhin mutmawh hnarmawh takah a neih a, tihchhiat dan kawng tinreng a dap a. Queen Mary tipil theitu hnenah Pound 260,000 lai pek a tiam bakah, German Sipai chawimawina sang ber hlan a lo tiam tawh bawk a ni.
Chutia sipai tam tak phura zin kawng a zawh mek lai chuan, passenger phur lawng pakhat HMS Curacao nen vanduaithlak takin an insu ta hlauh mai a. Civilian mi 300 lai mai chuan nuna an chan phah a. Curacao Lawng zawk chu tuipui mawng thim chhah mup maiah chuan a pil bo ta a ni. Chutih rualin Queen Mary lawngpui pawh a chhe nasa ngiang mai; rang taka thuamțhat leh chei hnum zui niin a zin kawng chu zawh leh mah se, Curacao lawng nen an insut țuma mi tam takin nunna an channa hmun, Lawng pindan hnuai lamah chuan thil nihdan phung pangngai aia mak leh hriatthiam harsa thilmak a awm ta tlat mai a ni.
Queen Mary Lawmg hian khawvel lawng hrang (Ghost Ship) zingah hrang nasa ber nihna a hauh hial awm e. He lawng chhungah hian thilmak vawi 150 zet a thleng tawh a nia sawi a ni.
Lawng pindan hnuai bera "Door 13" hmunah phei chuan mihring thlarau an hmu zing hle a. Queen Mary Lawnga hnathawk John Henry-a thlarauin Lawng pindan hnuai, kawngkhar No. 13 chu a chenchilh tlat niin an sawi bawk a ni.
Tin, second class poolroom-ah tleirawl pakhat, Jackie thlarau thlarau hmuh anih thin bakah, a nui ri te, a au ri te hriat a ni fo mai bawk. First-class țhut hahdamna pindan kil thim chin-ah nula nalh tak pakhat amah chauhva lam lai hmuh ani thin bawk.
Kum 1930 chhova mite inthuam dan angin mitthi thlarau niawm tak hmuhtur a awm thin a, zanlaia Light lo in-on leh thut thin te, zing khawvar hnaih lama Phone lo ring leh ringawt thinte hriat tur a awm bawk a ni. Tin, third class children’s playroom-ah naute țap thawm hriat tur a awm thin bawk.
Queen Mary lawng hnuai pindan chhungah chuan, HMS Curacao lawnga chuangte an thih hmaa an mangang au thawm leh an nâ tuar au thawm hriat tur a awm ta fo mai a. Rum ri te, țap thawm te leh lawng chhuat puak keh țhuai țhuai thawmte a ni nawk hlawm a. Tin, tui inkhawh ri hum hum thawmte hriat tur a awm thin a ni.
Hun a lo kal zel a, Ghost Hunters leh Paranormal investigation lama mithiamte chuan Queen Mary lawng pindan hnauilam chu chhiatna a tawh țuma mi 300 thitate thlarau chuan a chenchilh chhunzawm ta zel niin an ngai hial a. Lawng pindan hnuaihnung ber, tui-hu chhuansona zem (boiler room) chu Tuifinriat zawlpui hnuai lam ft 40 zeta thukah a awm a, chumi hmun chu a hrang nasa ber leh hmun hlauhawm ber nia sawi a ni. Chumi hmuna thawktu thenkhat chuan, tui-hu kalna pipe puak ri țhuai țhuai thawm te, pindan bang puak keh dur dur thawmte an hre fo va, ni mahse, finfiah tuma an zu hnaih chuan engmah chutiang thil chhia awm reng hmuh tur a awm ngai lo.
Chutianga sawi neuh neuh leh mite maktih a hlawh viau tak vang pawh a ni mahna, Queen Mary lawng chu $3.45 million in, Long Beach, California-ah hralh a ni ta a, tuipui kam museum leh hotel atan hman chhunzawm ani a, nimahse, chutih lai pawh chuan thilmak leh dangdai tak tak Queen Mary lawngah chuan a la thleng cheu mai a ni.
kum 1966 July ni 10 khan, mei-sipai pakhat John Pedder-a chuan Queen Mary Lawng pindan hnuai ber khawl pindan kawngkhar No. 13 zawnah chuan, tu tih hriatloh mi pakhat kaltlang lai a hmu a. Chu a thil hmuh chu finfiah leh belhchian tumin a va kal hnaih a, chutih lai tak chuan thawklehkhatah kawngkhar a rawn inhawng țhuai mai a. Chu kawngkhar chuan John Pedder chu a vaw hlum ta der mai a ni.
Hemi hmuna hnathawk thinte chuan, mihring thlarau an hmuh thu an sawi zing hle bawk a. Chu thla chu John-a thla a nih thu an sawi mauh mai. Nupa tuak thar pawhin John-a thla an sawi thin chu an awih duh lova, chu pindanah chuan an lut lui hram a, mipa zawk hmaiah chuan Grease alo tahsak vak mai ani an ti.
Tin, Lawng pawnlam bathlara tuichenna hmun First class Swimming pool-ah passenger tam tak ten thilmak leh mitthi thlarau an hmuh thu an sawi thin bawk a. Chung zingah chuan, hmeichhe naupang pakhat Teddy Bear pawm chunga vak kual thin chu an hmu chamchi bawk. Tin, chumi hmunah chuan, kum 1930 hunlai vela hmeichhe tuichen-kawr nena inthuam hmeichhe țhenkhat thlarau pawh hmuhtu an awm mauh mai.
Nimahse, chung mihring thlaraute chu hmuhchian leh finfiah tuma an va kal hnaih chuan mak tak maiin an boral leh daih mai thin a ni.
Queen Mary Lawng pindan hnuai lamah chuan thawm mak pui pui hriat a ni thin a, kawngkhar kik ri vak vak thawm te, kawngkhar nasa taka khar rik țhuai thuai thawm te, boruak sa rawn chhuak thut thut thin te leh thil rimtui tak rawn nam veng vengte chu hriat tur a awm thin a ni.
Queen Mary lawnga thilthleng chanchin zirmite chuan, hemi hmun atang hian mitthi thlarauvin khawvela mihringte a rawn biak pawh duhna hmunah an ngai tawp mai a, a dik leh dik loh chu tu hriat phak a ni lova, chutih rualin mi tam tak chuan ramhuaite inlarna hmun ah an ngai tawp mai a ni.
No comments