(Ramhuai tihbuai Natsumi)
Khawvela cheng hnamtin mai hian ramhuai leh a hnathawh chanchin mak tak tak sawitur kan nei deuh vek awm e. Mizo khawvelah ngei pawh ramhuai hnathawh dan mak fe fe sawitur a awm nual mai. Pi leh pute hunlai ațang daih tawha thil hlauhawma an lo ngaih țhin Ramhuai, phûng, țau meichher chhi, hmuithla, tualsumsu leh huai nei thil tam tak sawi tur a awm a.
A bik takin tualsumsu an tih phei hi chu han ngaihtuah mai pawhin a mak em em ringawt mai a ni. An sawi danin tualsumsu hi thil awm zen zen lo, a chang chauhva awm thin niin an sawi a. Tualsumsu chuan zanah tuallaiah an chhipin an su a, rulpui-lu-din ang deuh hian an su a ni. An thlarauvin chutianga atih chu țhenkhatte chuan an hria a, țhenkhatte erawh chuan an hre lem lo niin an sawi. "Ka chhip a nâ țhum mai a" te erawh chu an ti awm e. Chutianga awm chu thil vanduaithlak tak chang ni lovin thihna hial pawh niin an ngai thin a ni.
Țhenkhat sawi dan chuan tualsumsu chu, mi a dam lohin emaw, thih ngam hiala a natin emaw a thlarau chu, zanah chhuakin mi thlen zen zen lohna hmun fianrialah kalin a insiam danglam thin a, lei lu vit zawngin a inrulpui-lu-din
Mizote chuan tualsumsu chanchin sawi tur kan nei a;hnam dangte hian an nei ve angem le.
Kum 1985 khan Japan rama Fuji-Q Highland Amusement Park-ah thil dangdai deuh mai a thleng a. Japanese sumdawng milian Kazuya leh Ayumi'te chuan fanu kum 14 mi, Natsumi an nei a. Chu Japanese tleirawl tê chu kum 1985 fur lai atang chuan a natnachhan hriat hleih theih lovin a damlo char char mai a.
Vawi duai lo damdawi an pan hnuin Daktawrte chuan zeng-hri (poliomyelits) niin an ngai a. An enkawl fê hnuah pawh țhatchhuah tih reng a nei thei lo. A sikul zirlai pawh chhunzawm thei lovin khumah a mu reng mai a. Anu leh pa rilru pawh a hah viau mai a. Natsumi lah chu a ni telin a chak lo va, thawh pawh thokang peih lovin anu Ayumi chaw barh chu a dam pui ve țawk țawk chauh a ni.
Mr. Kazuya mangang chuan dawi thil kaihhnawih niin a ring ta a, dawi sut thiam hmingthang Indonesian pakhat chu a pan ta tawp mai a. Ani chuan ramhuai hnathawh ah a lo puhsak a. Pawisa-thir (Coin) an kawl anih chuan cheng za aia tam lo kawl turin a lo hrilh mauh mai a. Mahse chu pawh chu an țhatpui thei ta chuang lo va, an beidawnna khua tiseitu mai a ni leh si. Kazuya te nupa chuan an fanu thihni chu an nghak ani ta ber mai.
Zan khat chu Fuji-Q Highland kianga nurse pakhat chuan a chenna Aparment hmuna vaimim huanah thil mak lutuk hi a hmu tlat mai a. Chu thil chu hmuhchian tumin a va hnaih deuh a, a han hmu chian meuh chuan a phu chian kher mai. Hmeichhe tleirawl pakhat hian rulpui-lu-dinin
Chu nurse chuan atukah huan neitu hnenah a hrilh ngial a; mahse, huan neitu chuan a lo awihsak duhlo mauh mai a. Nurse pawh chuan a chenna hmun chu a chhuahsan phah ta hial a ni.
Tlai khat chu Natsumi a chau zual hle a. A pa lah hmun danga zanriah ei turin a chhuak si a. A nu chu a vir buai ngang mai. Rei loteah a rawn zia ve leh ta mai a. Mahse, anu chuan a fanu chinchang hre tura a pindan chhung ava luh chuan Natsumi chu a lo awm ta hauh lo mai a. A pasal chu rang mangkhengin a ko a, an han zawn ngial hnuah an chenna atanga hla deuh fe, sikul kawmpawn chhungah an va hmu ta a ni. Chu thil chu a pa chuan mak ati hle a, chutia a vahchhuah mai theih dan an zawh ngial pawhin Natsumi chuan chu hmuna a lo awm ve ngawt dan chu sawi tur a hre hauh lo a ni.
Zan khat chu ruah asur avangin Kazuyate nupa chu an mutui hle a. Zanlai a lo nih chuan thawm danglam tak avangin Ayumi chu a harh hlawl mai a. AChu thawm chu a han ngaithla chiang deuh a, a rik deuh dup dup avangin an kawngkhar chu misualin karchhiat an tum niin a hri a.
A tho a, pawn lam a va en chuan a rak țhawt mai a ni. A fanu Natsumi chuan a chhipin lei a lo sawh dup dup mai a, a chhipah te chuan thisen a chhuak hial a. Ayumi rak thawm hriain a pasal Kazuya pawh a rawn thleng nghal a, an nupa chuan vaimim huan kianga an fanu Natsumi rulpui-lu-dina lei sawh dup dup chu an en reng ringawt mai a. A tawpah chuan Kazuya chu ava kal hnaia a fanu chu a man thut mai a.
Khumah an zawnlut nghal a, nimahse, an fanu chu a lo chau viau tawh a, rei lo teah Natsumi chu a thi nghal ta mai a ni.
He Japanese tleirawl chunga thilthleng hi Mizo ten tualsumsu kan tih țhin hi ni maiin a lang. Tin, ramhuai hnathawh ni ngeiin a lang bawk. Damlo thi mai tur, tho kang hlei thei tawh lo meuh pawh heti anga a han awm thei tlat mai hi a makna lai tak chu a ni awm e.
Kum 1942 bawr vela Japan sipaiin Chin hill an lak țuma Japan sipai lo dan tumtu Mizo sipai zinga Siamkunga pawh khan tualsumsu a man tawh bawk niin an sawi.
Tin, Kum 1954 khan Aizawla sipai tang tura kal, Laltana te țhiandunin an man tawh bawk a ni awm e. An sawidan chuan, Hualtu khuaa Laltana (L) te țhiandun chu Aizawlah sipai tang turin an kal a. Maite atanga an chhuak chu, Mualpui khuaa Pu Sena inah an thleng a. Kawng chhakah kan hmel hriat i tlawh teh ang an ti a. Nimahse an nula tlawh tum ber pawh chu alo dam lo va, an lo thut hual laih hlawm a. In neitute chuan,"Lo leng țhu rawh u," an lo ti a;mahse, chhuanlam siamin an chhuak dun leh ta a.
Chumi zan chuan an leng rei deuh viau a. Hetih hunlai hian Mualpui leh Chhingchhip inkar hi ngaw tha tak a la ni a, an hmehdet ken chuan kawng chu an chhun kual vel a. 'Saw' tunge a letling zawngin a kal, a mal a var hle mai an ti a. An kal chak sauh sauh va, a bul an thlen chuan chu mi chu an man bet ta a.
An han biak ngial pawhin a chhang duh reng reng lova, a zawi em em ringawt mai a. An han enchianga kal lama an luhna nula kha a lo ni reng mai a. An zawn hawng a, an inah chuan 'kawngka min hawn ru' an ti a. A chhungte chuan,"tun ang zan reiah tutenge in nih an ti a", an hawn duh lawk lova, kawngkhar an han tlawh ri țhuai mai a, chutah an lo hawn ta a.
An nula lenpui ber zawi deuh maia an pawm lut chu an hmuh in mak an ti viau mai a. "Tahkhan mut rawh u," an ti a. An han inzawt vela, a chhuah lai hria reng reng an awm lo va. An zinga pakhat chuan khawia awm nge in nih a, khawi khua nge innih, tufa nge innih tiin dilchhut takin a zawt a. Chu pa chuan kan nau hi a thi lovang, hemite thian dun hian rawn hawn lo ningat se chuan a thi ngei ang a ti ta a.
In neitu chuan nakinah kan nula hi tu emaw zawk zawk hian nupuiah inla nei thei ang, a nunna in rawn chhan him a, ka lawm khawp mai. Naktuk zing chaw in rawn ei dun dawn nia a ti a. Tleirawl chhuak hlim nupui neih lam pawh la ngaihtuah ngailo an ni a, an zak dun hle a ni.
Nakinah chuan an thlen in pa, Pu Sena chuan a lo hria a," Tualsumsu in man a nih chu, in va huai ve, tlangval tam takin an man duh hlei nem," a lo ti ta mai a, Laltana te thiandun chuan mak an ti hnuhnawh hle a ni.
Ramhuai hnathawh hi a mak țhin viau reng a ni.
No comments