U. S President-te chenna White House-a invawm lut tawhte zingah President Abraham Lincoln-a tluka pa ropui leh chanchin ngah hi sawi tur an tam lo kher mai. Chutia chanchin sawi tur ngah nafam ta chuan Paranormal leh supernatural lam hawi deuh chanchin pawh a nei nual a. Tin, amah Lincoln-a ngei pawh kha thilmak leh thlarau khawvel lama tui mi a ni reng reng mai a. A thih hnu pawh khan a thlarau hmutu nia insawi mi țhenkhat an awm tlat mai a, amaherawhchu, hetiang chanchin lam hawi zawnga thu thehdarh hi khawvel mit fukna hruaitu ropui an nihna zawnah thil inhmeh lo a nih avangin puanzar a ni ngai lem lo a ni.
Sawi tawh angin Abraham Lincoln te nupa hian thilmak leh thlarau khawvel lam hi an buaipui ve viau niin a lang. Feb 20, 1862 -kum khan Lincoln-a fapa kum 11-mi, Willie Lincoln-a chu typhoid-natna vangin White House-ah a thi a. A thih ațanga rei lovah Willie-a thlarau chu White House chhunga Staff member țhenkhat chuan Grant administration ah te an hmu a. Tin, Lynda Bird Johnson Robb-i pawhin chiang takin a hmu ve nghe nghe a ni. Hemi hian President Lincoln chuan a fapa thlarau chu biak pawh dan kawng a dap a, thlarau be thiam an ruai hial a ni.
Sawi tawh angin President Lincoln-a khan chanchin mak tak tak angah mai a, kahhlum a nih hma deuh khan mak tak maiin a thih laia boruak awm dan leh ama ruang an sawngbawl dan vel chu amah ngeiin mumang ram leh zel (trance) angin a lo hmu lawk sa tlat mai a, a hlau hle nghe nghe a; chu chuan a tirilah a țham nasa hle bawk a, a ngaih a țha thei ngang lo va, a tawpah chuan a țhian rin ber Ward Hill lamon-a leh a nupui Mary Todd Lincoln hnenah chu hrilhlawkna mumang danglam tak chu a hrilh ta nge nge a ni.
Abraham Lincoln chuan a mumanga a thil hmuh chu tihian a sawi a, "Ni sawm vel liam ta khan zan khat chu kan tlangval te indona hmun atanga thu an rawn thawn chu ka lo nghah avangin ka mu tlai hret a. Ka chauh deuh avangin ka muhil nghal mai a. Rei pawh ka la mu hman lovang tihah chuan mumang ka lo nei a. Ka mumangah chuan ka awmna hmun vel chu a lo reh thiap mai a, chutihlai chuan inhnit hlawp hlawp leh mitthi ngaia rum leh tap ri chu ka hre ta a. Tichuan ka mumangah chuan ka khum atang chuan ka tho a, step-ah chuan ka chhukthla ta a.Tichuan chulai thawm ri reng reng hriattur awmlohna hmun atang chuan na tuar leh tap thawm a lo chhuak a, nimahsela, chung na tuar leh tap te chu an hmuh theih der bawk si lova. Room tin chu ka han enkual a,mihring tumah hmuh tur an awm lo. Nimahsela, lusun mangang tap ri chu hriat tur a awm reng bawk si a. Pindan zawng zawng ah chuan light a awm vek a, a eng vek bawk a. Mahse tumah hmuh tur an awm si lo. Pindan tin mai leh khalaia awm thil engkim mai chu ka hmuhthan vek an ni a. Mak ti takin mipui manganga tap ho te chu ka zawng zel a. Engvanga tap nge ni ang le? Enge a awmzia ni ang le.? A va han rapthlak em!.
Chu thil rapthlak tak mai leh rilru dek tak mai chu hriat chian tumin East room-ah chuan ka han lut a, chutah chuan mak tih lutuk vanga min ti mur sung sung thei tur thil ka va hmu ta a ni. Ka hma ah chuan dawhkan mawi taka chei a awm a, chu dawhkan chunga kuang chhungah chuan mitthi ruang pakhat hi mitthi thawmhnaw a tuam in an lo zalh a. Chu ruang hual velah chuan vengtu sipaite chu an ding a. Chu ruang puana in khuh chu mipui te chuan lungchhe taka thlir chungin an țah tlawk tlawk a.." He White House a thi hi tunge ni?", tiin vengtu sipai pakhat chu ka zawt a."President a ni" Phiarrutuin a that ta a ni" tih chu chhanna ka dawn a ni.
Chutah lungchhe vankaia ring taka țap phut ri chuan ka mumang ram ațang chuan min tiharh hlawl mai a. Chumi zan chuan ka muhil leh tawh lo, khumah ka tlaivar ta zak a ni. Mumang mai mah nise mak tak maiin chu thil chu ka ngaihtuahna ațangin a thi thei ta reng reng lo a ni, tiin.
US president Abraham Lincoln hi hemi țuma a mumang danglam tak hian a țham nâ hle a, awm nuama awm lovin hun a hmang a. Nidangah chuan mumang hi a ring ngai lem lova; mahse, he a mumang zet hi chuan a khawih dan a dang hle mai. He mumang a man ațang hi chuan a rilru a nuam thei tawh lova. Karkhat țha zet chu a zep thei a. Mahse a hlauh em avangin a țhian țha tak mai leh anupui hnenah a sawi chhuak ta a ni.
He mumang rapthlak tak mai a man ațanga ni 13 hnu, April 15, 1865, Good Friday zan khan amah phiarrutu John Wilkes Booth chuan President Abraham Lincoln chu a kap hlum a. Tichuan mumanga a hmuh ang chiah chuan White House-ah a ruang chu sawngbawl ani ta a ni. Abraham Lincoln-a kahhlum a nih danah pawh hian chanchin mak tak tak a inzep nual awm e. Tin, U. S President John F. Kennedy nen pawh khan an thih dan thu-hlaah ngaihbel theih turin inzawmna mak tak an nei nual mai a, chungte chu thilmak tling phak khawpa dangdai vek an ni.
1865 kum a Lincoln-a kahhlum anih hnu khan White House-a hnathawktute chuan thawm danglam tak tak an hre țhin a. Zan lamah White House tualzawl velah te chuan sakawr-tawlaili
President Lincoln-a thla chiang taka hmutu nia an sawi chu Netherlands lalnu Queen Wilhelmina kha a ni awm e. Queen Wilhelmina hi U. S-a a a zin țumin White House-ah a thleng a, chumi zan chuan President Lincoln-a pindan hluiah a riak a. Zanlai a lo nih chuan room kawngka chu tu emaw hian an rawn kik tlat mai a, kawngka a va hawn chuan coat fual dum leh, a dam laia a khum țhin lukhum nen President Lincoln-a chu kawngkhar kiangah a lo ding ngawi reng mai a ni.
An hmuh zin deuh pakhat chu, White House Oval Office pindan tukverh ațanga Lincoln-a thla rawn dak chhuak lai chu a ni awm e. Lincoln-a thla hmutu nia insawi tam tak chu amah Lincoln-a lamhnai tak te an ni hlawm a, tin, President Ronald Regan-a fanu Maureen-i te, Resident Calvin Coolidge-a nupui te, Poet Carl Sandburg leh Elanor Roosvelt te pawhin President Lincoln-a thla hi an lo hmu ve tawh ani.
President Lincoln-a a thih khan a ruang chu Springfield, Illinois ah rail-a phurh a ni a. He Lincoln-a ruang phurtu Rail thla (Ghost train) hi a hnu kum tam tak thlengin an la hmu fo mai a. A lan dan chuan, Rail chhungah mihring ruhro kawr pawla inthuam hi an chuang bawk a, pindan hnung lamah chuan Lincoln-a an zalhna kuang niawm tak mitthi kuang pakhat hi chiang takin a hmuh theih bawk a ni.
President Lincoln-a thih hnu khan a nupui Mary Todd Lincoln chuan khatih laia thlalak thiam hmingthang, New York leh Boston vela khawsa țhin, mitthi tawhte thlarau thla hial pawh la thei nia an sawi (spirit photographer) William H. Mumler-a chu sawmin White House leh a chheh vel zawng zawng chu thla a lak kual tir vak mai a, chung thlalakte a rawn chhuah meuh chuan, thlalak țhenkhatah President Abraham Lincoln-a thla a rawn lang ve tlat mai. A pindan tukverh ațanga hnuai lam a thlir lai te, a fapa Willie-a thlakak a kokî a lo khawih lai te, Libarary chaira a țhu lai te chu chiang takin a lang a ni. Tin, amah Lincoln-a bed-room a a lakah phei chuan Lincoln-a hmel chu fiah țha tak a ni e, an ti. Ward H. Mumler hi heng thla a lak avang hian nasa zawkin a lar phah zek a ni.
President Lincoln-a thla hi 1980 kum thleng khan hmutu nia insawi an la awm a, Lincoln-a thla hmu hnuhnung bertu nia an sawi chu White House-a hnathawk ho viltu (foreman) Tony Savoy-a kha a ni awm e. Ani hian hnathawk tura White House-a a luh laiin kailawn chung ber kianga chair pakhat-ah Lincoln-a thla lo țhu reng chu chiang takin a hmu a ni.
President Abraham Lincoln-a thla an hmuh fo nachhan nia an sawi chu, Lincoln kha a damlai pawh khan thilmak (super natural) leh thlarau khawvel (spiritualism) lampang ngaihventu a nih vang niin an sawi mauh mai. Engle-khawle, Lincoln-a thlarau a ni emaw, Lincoln-a hmel hawha ramhuai inlarna pawh chu lo ni tehreng se thilmak tling phak khawpa thil dangdai a nih avangin mak tih loh rual a ni lo reng a ni.
Sawi tawh angin Abraham Lincoln te nupa hian thilmak leh thlarau khawvel lam hi an buaipui ve viau niin a lang. Feb 20, 1862 -kum khan Lincoln-a fapa kum 11-mi, Willie Lincoln-a chu typhoid-natna vangin White House-ah a thi a. A thih ațanga rei lovah Willie-a thlarau chu White House chhunga Staff member țhenkhat chuan Grant administration ah te an hmu a. Tin, Lynda Bird Johnson Robb-i pawhin chiang takin a hmu ve nghe nghe a ni. Hemi hian President Lincoln chuan a fapa thlarau chu biak pawh dan kawng a dap a, thlarau be thiam an ruai hial a ni.
Sawi tawh angin President Lincoln-a khan chanchin mak tak tak angah mai a, kahhlum a nih hma deuh khan mak tak maiin a thih laia boruak awm dan leh ama ruang an sawngbawl dan vel chu amah ngeiin mumang ram leh zel (trance) angin a lo hmu lawk sa tlat mai a, a hlau hle nghe nghe a; chu chuan a tirilah a țham nasa hle bawk a, a ngaih a țha thei ngang lo va, a tawpah chuan a țhian rin ber Ward Hill lamon-a leh a nupui Mary Todd Lincoln hnenah chu hrilhlawkna mumang danglam tak chu a hrilh ta nge nge a ni.
Abraham Lincoln chuan a mumanga a thil hmuh chu tihian a sawi a, "Ni sawm vel liam ta khan zan khat chu kan tlangval te indona hmun atanga thu an rawn thawn chu ka lo nghah avangin ka mu tlai hret a. Ka chauh deuh avangin ka muhil nghal mai a. Rei pawh ka la mu hman lovang tihah chuan mumang ka lo nei a. Ka mumangah chuan ka awmna hmun vel chu a lo reh thiap mai a, chutihlai chuan inhnit hlawp hlawp leh mitthi ngaia rum leh tap ri chu ka hre ta a. Tichuan ka mumangah chuan ka khum atang chuan ka tho a, step-ah chuan ka chhukthla ta a.Tichuan chulai thawm ri reng reng hriattur awmlohna hmun atang chuan na tuar leh tap thawm a lo chhuak a, nimahsela, chung na tuar leh tap te chu an hmuh theih der bawk si lova. Room tin chu ka han enkual a,mihring tumah hmuh tur an awm lo. Nimahsela, lusun mangang tap ri chu hriat tur a awm reng bawk si a. Pindan zawng zawng ah chuan light a awm vek a, a eng vek bawk a. Mahse tumah hmuh tur an awm si lo. Pindan tin mai leh khalaia awm thil engkim mai chu ka hmuhthan vek an ni a. Mak ti takin mipui manganga tap ho te chu ka zawng zel a. Engvanga tap nge ni ang le? Enge a awmzia ni ang le.? A va han rapthlak em!.
Chu thil rapthlak tak mai leh rilru dek tak mai chu hriat chian tumin East room-ah chuan ka han lut a, chutah chuan mak tih lutuk vanga min ti mur sung sung thei tur thil ka va hmu ta a ni. Ka hma ah chuan dawhkan mawi taka chei a awm a, chu dawhkan chunga kuang chhungah chuan mitthi ruang pakhat hi mitthi thawmhnaw a tuam in an lo zalh a. Chu ruang hual velah chuan vengtu sipaite chu an ding a. Chu ruang puana in khuh chu mipui te chuan lungchhe taka thlir chungin an țah tlawk tlawk a.." He White House a thi hi tunge ni?", tiin vengtu sipai pakhat chu ka zawt a."President a ni" Phiarrutuin a that ta a ni" tih chu chhanna ka dawn a ni.
Chutah lungchhe vankaia ring taka țap phut ri chuan ka mumang ram ațang chuan min tiharh hlawl mai a. Chumi zan chuan ka muhil leh tawh lo, khumah ka tlaivar ta zak a ni. Mumang mai mah nise mak tak maiin chu thil chu ka ngaihtuahna ațangin a thi thei ta reng reng lo a ni, tiin.
US president Abraham Lincoln hi hemi țuma a mumang danglam tak hian a țham nâ hle a, awm nuama awm lovin hun a hmang a. Nidangah chuan mumang hi a ring ngai lem lova; mahse, he a mumang zet hi chuan a khawih dan a dang hle mai. He mumang a man ațang hi chuan a rilru a nuam thei tawh lova. Karkhat țha zet chu a zep thei a. Mahse a hlauh em avangin a țhian țha tak mai leh anupui hnenah a sawi chhuak ta a ni.
He mumang rapthlak tak mai a man ațanga ni 13 hnu, April 15, 1865, Good Friday zan khan amah phiarrutu John Wilkes Booth chuan President Abraham Lincoln chu a kap hlum a. Tichuan mumanga a hmuh ang chiah chuan White House-ah a ruang chu sawngbawl ani ta a ni. Abraham Lincoln-a kahhlum a nih danah pawh hian chanchin mak tak tak a inzep nual awm e. Tin, U. S President John F. Kennedy nen pawh khan an thih dan thu-hlaah ngaihbel theih turin inzawmna mak tak an nei nual mai a, chungte chu thilmak tling phak khawpa dangdai vek an ni.
1865 kum a Lincoln-a kahhlum anih hnu khan White House-a hnathawktute chuan thawm danglam tak tak an hre țhin a. Zan lamah White House tualzawl velah te chuan sakawr-tawlaili
President Lincoln-a thla chiang taka hmutu nia an sawi chu Netherlands lalnu Queen Wilhelmina kha a ni awm e. Queen Wilhelmina hi U. S-a a a zin țumin White House-ah a thleng a, chumi zan chuan President Lincoln-a pindan hluiah a riak a. Zanlai a lo nih chuan room kawngka chu tu emaw hian an rawn kik tlat mai a, kawngka a va hawn chuan coat fual dum leh, a dam laia a khum țhin lukhum nen President Lincoln-a chu kawngkhar kiangah a lo ding ngawi reng mai a ni.
An hmuh zin deuh pakhat chu, White House Oval Office pindan tukverh ațanga Lincoln-a thla rawn dak chhuak lai chu a ni awm e. Lincoln-a thla hmutu nia insawi tam tak chu amah Lincoln-a lamhnai tak te an ni hlawm a, tin, President Ronald Regan-a fanu Maureen-i te, Resident Calvin Coolidge-a nupui te, Poet Carl Sandburg leh Elanor Roosvelt te pawhin President Lincoln-a thla hi an lo hmu ve tawh ani.
President Lincoln-a a thih khan a ruang chu Springfield, Illinois ah rail-a phurh a ni a. He Lincoln-a ruang phurtu Rail thla (Ghost train) hi a hnu kum tam tak thlengin an la hmu fo mai a. A lan dan chuan, Rail chhungah mihring ruhro kawr pawla inthuam hi an chuang bawk a, pindan hnung lamah chuan Lincoln-a an zalhna kuang niawm tak mitthi kuang pakhat hi chiang takin a hmuh theih bawk a ni.
President Lincoln-a thih hnu khan a nupui Mary Todd Lincoln chuan khatih laia thlalak thiam hmingthang, New York leh Boston vela khawsa țhin, mitthi tawhte thlarau thla hial pawh la thei nia an sawi (spirit photographer) William H. Mumler-a chu sawmin White House leh a chheh vel zawng zawng chu thla a lak kual tir vak mai a, chung thlalakte a rawn chhuah meuh chuan, thlalak țhenkhatah President Abraham Lincoln-a thla a rawn lang ve tlat mai. A pindan tukverh ațanga hnuai lam a thlir lai te, a fapa Willie-a thlakak a kokî a lo khawih lai te, Libarary chaira a țhu lai te chu chiang takin a lang a ni. Tin, amah Lincoln-a bed-room a a lakah phei chuan Lincoln-a hmel chu fiah țha tak a ni e, an ti. Ward H. Mumler hi heng thla a lak avang hian nasa zawkin a lar phah zek a ni.
President Lincoln-a thla hi 1980 kum thleng khan hmutu nia insawi an la awm a, Lincoln-a thla hmu hnuhnung bertu nia an sawi chu White House-a hnathawk ho viltu (foreman) Tony Savoy-a kha a ni awm e. Ani hian hnathawk tura White House-a a luh laiin kailawn chung ber kianga chair pakhat-ah Lincoln-a thla lo țhu reng chu chiang takin a hmu a ni.
President Abraham Lincoln-a thla an hmuh fo nachhan nia an sawi chu, Lincoln kha a damlai pawh khan thilmak (super natural) leh thlarau khawvel (spiritualism) lampang ngaihventu a nih vang niin an sawi mauh mai. Engle-khawle, Lincoln-a thlarau a ni emaw, Lincoln-a hmel hawha ramhuai inlarna pawh chu lo ni tehreng se thilmak tling phak khawpa thil dangdai a nih avangin mak tih loh rual a ni lo reng a ni.
No comments