Ka thil post ngai vakloh tunhmaa thilthleng, tuna thawnthua lo changta chanchin ka tarlang ve teh ang.
Hmanlai Greek ropui hunlai khan Sicily thliarkara khawpui pakhat Syracuse khawpui chu Dionysius lal chuan tharum thawhnain a awp a. Dionysius chu a hun hmasa lam chuan ziaktu tenau dinhmun chelhtu ve mai a ni a. Nimahse mihuaisen leh chak tak a nih avangin a rawn kaisang chho ta zel a, atawpah chuan an lal leh roreltute chu tharum thawhna hmangin a paihthla fai ta vek mai a ni. Dionysius chuan Sakeibaknei châl ang maiin lal a hrawt a. A rilremloh zawngte chu a that hmiah hmiah mai thin a ni. A chhan chu engtik niah emaw chuan amah phiarrutu leh khawpui mite chuan a lalna țhutthleng atangin an la paihthla ve ngei dawn niin a ring tlat a. Chuvangin tumah a ringzo tak tak theilo a ni.
Amah dodaltute leh aril remloh zawngte khungkhawm nan Lung in pakhat a siam a. Chumi Lung inah chuan a mi rinhlelh zawng leh a thupek kalh zawnga che thinte chu a khung hmiah hmiah mai a ni. Dionysius chuan Lung ina tangten a chanchin engtin nge an sawi thin tih chu hriat a chak leh tlat mai pek a. Lung in bang chu a rukin a verhkua a, chu awng atang chuan tangho thusawi chu a lo ngaithla ru kar mai thin a ni. Hlauhthawnna a khat a nih avangin a mutna pindante chu uluk takin a siam sauh sauh a, ama mimal chenna bik hmunte chu lei laih khuarin a hual tir vek bawk a ni.
Dionysius-a khawnbawlte nitur chuan țawngkam leh chetzia thlenga fimkhur tawpkhawk a ngai a. Vawikhat pawh a hmuihmul mettu pa pakhat hian a thiante hnenah inti dinhmun changsang fahran hian," Kei hi mi na mai ka ni hlei nem, ka hmul mehna chemte hian tuk tin Dionysius-a hrawkbawk a nul thin a sin," tiin a uang vel a. Dionysius chuan chu thil chu a lo hria a, chu hmulmettu chu a man a, a khaihlum ta der mai a ni. Chumi hnu atang chuan Lal chu a fimkhur zual ta em em mai a, a hmul mettu a tan a thisen zawmpui a fanute chu a hmang ta a. Nimahse hlauhthawnaa khat reng reng a nih vang leh a fanu ten chemte an hum ve tak avangin a fanute ngei ngei pawh chu a ringzo lo leh ta zel a. Atawpah chuan thingrah chi khat a tilum a, chu chuan a hmuihmul chu a kân faitir thin a ni.
Dionysius chu hla phuah leh zai ngaina mi ve tak a ni a. Vawikhat chu hla a phuah leh a, a hlaphuah chu endik turin mithiam Philoxenus-a a ruai a. Mahse Philoxenus chuan Dionysius-a hlaphuah chu takna leh ngaihno beina chhete mah a neihloh thu a sawichhuak ta hem mai a. Lal chuan Philoxenus chu Lung inah a khung ta a ni. Dionysius chuan ruahțhaloh hla dang a phuah leh ta a. Tichuan Philonus chu Lung in atanga hruaichhuakin a hla phuah chu a țhat leh țhat loh sawi turin a tih leh a. Philonus chuan hla chu a endik hnuah upate chu a han en vang vang a, "Pute u, Lung inah min hruai leh phawt mai teh un," a ti ta daih mai a. Chu veleh Dionysius chu a nui ta vur vur mai a, "He pa hi mi dik tak a ni e, ka kuang lo ka lo nawr anih reng dawn hi, chhuah zalen zawk mai rawh u khai,"tiin a upate chu a hrilh a, tichuan Philonus chu Lung in a ta, chhuah zalen a lo ni ta a ni.
Ni khat chu Dionysius chuan Pythias an tih, lo neimi pa pakhat hi a ringhlel ta tlat mai a. Pythias chu a man tira that turin thu a pe nghal bawk a. Nimahse Pythias chuan lal hnenah Greek rama a unaute leh a chhungkhat lainate hmuh a duh rih thu leh a lo ram te, a ro leh thilhlu neih te a unaute hnena sem fel phawta chumi hniua Greek ram atanga a lo kir leh huna that zawk mai turin a ngen a. Mahse lal chuan, "Min tihder i rilruk a ni maw? He Syracuse khawpui i chhuahsan hnuah engtin nge thi tura i lo kir leh duh ang ni, lal hi mi â nilengah min ring a ni maw?" a ti ta zawk a. Chutia rorela an thut khawm lai chuan mipui zing atangin Pythias-a țhian Damon an tih chu a rawn ding chhuak a. Lal hnenah chuan," Ka thian Pythias hi ka hrechiang a, a ngenna hi keiman a ai ka lo awh ang, a lo kir lo a nih chuan kei hi min that zawk mai dawn a nia. Tunah hian min man nghal thei ang," a rawn ti ta a.
Chu thil chu Lal Dionysius-an a hriat chuan mak a ti ngang mai a, an ngenna chu a pawm sak ta a. Mahse a rilru chhungril tak chuan,"He mi â pa hi bumin a awm a nih mek hi. Pythias hi zawng a lo kir duh lul lawng e, Zawng tawrh aiin Ngauin a tuar ngei dawn e," a ti rauh rauh a. Mipui rin lawk ang ngeiin Pythias chu ni tam ral hnuah pawh a rawn lang thei ta reng re g lo mai a. Puallenga thlang tla an sawi ang maiin a reh vawng vawng ringawt mai a ni. Chutihrualin Pythias-a thian Damon-a erawh chu thah mai hmabakin Lung inah a lo awm ve ran mai bawk a. Mahse a lungngai reng reng lova, thlaphanna leh hlauhna nei hauh lo hmel a pu sang thei reng a. Lal leh upaten a chhan an han zawh chuan, Damon-a chuan a thianpa Pythias-a rinawmna a hriatchian vang leh a thianpa chu a rinhlelh ngailoh vanga chutianga lungngai lo a nih thu a lo hrilh thin a ni. "Ka thia Pythias chu kawng lakah a thang rih a nih ngei ang, a lo kir leh ngei ngei dawn a ni. A lo kir ta lo a nih pawhin mahni thian țha leh hmangaihte tana thih chu ka hlau hauh love, hlauh a hnehin ka thil tih chak ber a ni tlat mai," tiin a chhang ta zel a.
Lal hnena Pythias-a intiamna ni hnuhnung ber a lo thleng ta a, Pythias-a hmel reng reng a lang thei lo. Darkar hnuhnung ber a lo ni leh a, danglamna engmah hmuhtur a la awm thei reng reng lova. Damon-a thah tura an hruaichhuah lai chuan rilru natna nei miah lovin, " Pythias-a chu thli leh ruahin a nan ching vang a ni ngei ang, mahse ka lo intiamna avangin ka lungngaih phah hauh lo,"tiin a la sawi fan a. Damon-a an thah dawn lai tak chuan Pythias chu lal kulh chhungah a rawn lut ve ta hlawl mai a. Hlauhna leh lungngaihna therte mah nei lovin leh amah chu that zawk turin a nghawng chu a rawn dawh ta siah mai a ni. Chu thil dangdai tak; thiandun inkara hmangaihna leh rinawmna mak tak chu Dionysius-a chuan a lo hmuhin ropui a ti ta em em mai a, Pythias-a thah tura thupek a lo chhuah tawh chu hnuk kir lehin Pythias leh Damon-te thiandun chu a chhuah zalen ta a ni.
Țhiantha te hi zawng an lo hlu ania nge, mifing leh hnamfing hmasa; Greek ho rengin an lo chawisang thiam e mai.
Hmanlai Greek ropui hunlai khan Sicily thliarkara khawpui pakhat Syracuse khawpui chu Dionysius lal chuan tharum thawhnain a awp a. Dionysius chu a hun hmasa lam chuan ziaktu tenau dinhmun chelhtu ve mai a ni a. Nimahse mihuaisen leh chak tak a nih avangin a rawn kaisang chho ta zel a, atawpah chuan an lal leh roreltute chu tharum thawhna hmangin a paihthla fai ta vek mai a ni. Dionysius chuan Sakeibaknei châl ang maiin lal a hrawt a. A rilremloh zawngte chu a that hmiah hmiah mai thin a ni. A chhan chu engtik niah emaw chuan amah phiarrutu leh khawpui mite chuan a lalna țhutthleng atangin an la paihthla ve ngei dawn niin a ring tlat a. Chuvangin tumah a ringzo tak tak theilo a ni.
Amah dodaltute leh aril remloh zawngte khungkhawm nan Lung in pakhat a siam a. Chumi Lung inah chuan a mi rinhlelh zawng leh a thupek kalh zawnga che thinte chu a khung hmiah hmiah mai a ni. Dionysius chuan Lung ina tangten a chanchin engtin nge an sawi thin tih chu hriat a chak leh tlat mai pek a. Lung in bang chu a rukin a verhkua a, chu awng atang chuan tangho thusawi chu a lo ngaithla ru kar mai thin a ni. Hlauhthawnna a khat a nih avangin a mutna pindante chu uluk takin a siam sauh sauh a, ama mimal chenna bik hmunte chu lei laih khuarin a hual tir vek bawk a ni.
Dionysius-a khawnbawlte nitur chuan țawngkam leh chetzia thlenga fimkhur tawpkhawk a ngai a. Vawikhat pawh a hmuihmul mettu pa pakhat hian a thiante hnenah inti dinhmun changsang fahran hian," Kei hi mi na mai ka ni hlei nem, ka hmul mehna chemte hian tuk tin Dionysius-a hrawkbawk a nul thin a sin," tiin a uang vel a. Dionysius chuan chu thil chu a lo hria a, chu hmulmettu chu a man a, a khaihlum ta der mai a ni. Chumi hnu atang chuan Lal chu a fimkhur zual ta em em mai a, a hmul mettu a tan a thisen zawmpui a fanute chu a hmang ta a. Nimahse hlauhthawnaa khat reng reng a nih vang leh a fanu ten chemte an hum ve tak avangin a fanute ngei ngei pawh chu a ringzo lo leh ta zel a. Atawpah chuan thingrah chi khat a tilum a, chu chuan a hmuihmul chu a kân faitir thin a ni.
Dionysius chu hla phuah leh zai ngaina mi ve tak a ni a. Vawikhat chu hla a phuah leh a, a hlaphuah chu endik turin mithiam Philoxenus-a a ruai a. Mahse Philoxenus chuan Dionysius-a hlaphuah chu takna leh ngaihno beina chhete mah a neihloh thu a sawichhuak ta hem mai a. Lal chuan Philoxenus chu Lung inah a khung ta a ni. Dionysius chuan ruahțhaloh hla dang a phuah leh ta a. Tichuan Philonus chu Lung in atanga hruaichhuakin a hla phuah chu a țhat leh țhat loh sawi turin a tih leh a. Philonus chuan hla chu a endik hnuah upate chu a han en vang vang a, "Pute u, Lung inah min hruai leh phawt mai teh un," a ti ta daih mai a. Chu veleh Dionysius chu a nui ta vur vur mai a, "He pa hi mi dik tak a ni e, ka kuang lo ka lo nawr anih reng dawn hi, chhuah zalen zawk mai rawh u khai,"tiin a upate chu a hrilh a, tichuan Philonus chu Lung in a ta, chhuah zalen a lo ni ta a ni.
Ni khat chu Dionysius chuan Pythias an tih, lo neimi pa pakhat hi a ringhlel ta tlat mai a. Pythias chu a man tira that turin thu a pe nghal bawk a. Nimahse Pythias chuan lal hnenah Greek rama a unaute leh a chhungkhat lainate hmuh a duh rih thu leh a lo ram te, a ro leh thilhlu neih te a unaute hnena sem fel phawta chumi hniua Greek ram atanga a lo kir leh huna that zawk mai turin a ngen a. Mahse lal chuan, "Min tihder i rilruk a ni maw? He Syracuse khawpui i chhuahsan hnuah engtin nge thi tura i lo kir leh duh ang ni, lal hi mi â nilengah min ring a ni maw?" a ti ta zawk a. Chutia rorela an thut khawm lai chuan mipui zing atangin Pythias-a țhian Damon an tih chu a rawn ding chhuak a. Lal hnenah chuan," Ka thian Pythias hi ka hrechiang a, a ngenna hi keiman a ai ka lo awh ang, a lo kir lo a nih chuan kei hi min that zawk mai dawn a nia. Tunah hian min man nghal thei ang," a rawn ti ta a.
Chu thil chu Lal Dionysius-an a hriat chuan mak a ti ngang mai a, an ngenna chu a pawm sak ta a. Mahse a rilru chhungril tak chuan,"He mi â pa hi bumin a awm a nih mek hi. Pythias hi zawng a lo kir duh lul lawng e, Zawng tawrh aiin Ngauin a tuar ngei dawn e," a ti rauh rauh a. Mipui rin lawk ang ngeiin Pythias chu ni tam ral hnuah pawh a rawn lang thei ta reng re g lo mai a. Puallenga thlang tla an sawi ang maiin a reh vawng vawng ringawt mai a ni. Chutihrualin Pythias-a thian Damon-a erawh chu thah mai hmabakin Lung inah a lo awm ve ran mai bawk a. Mahse a lungngai reng reng lova, thlaphanna leh hlauhna nei hauh lo hmel a pu sang thei reng a. Lal leh upaten a chhan an han zawh chuan, Damon-a chuan a thianpa Pythias-a rinawmna a hriatchian vang leh a thianpa chu a rinhlelh ngailoh vanga chutianga lungngai lo a nih thu a lo hrilh thin a ni. "Ka thia Pythias chu kawng lakah a thang rih a nih ngei ang, a lo kir leh ngei ngei dawn a ni. A lo kir ta lo a nih pawhin mahni thian țha leh hmangaihte tana thih chu ka hlau hauh love, hlauh a hnehin ka thil tih chak ber a ni tlat mai," tiin a chhang ta zel a.
Lal hnena Pythias-a intiamna ni hnuhnung ber a lo thleng ta a, Pythias-a hmel reng reng a lang thei lo. Darkar hnuhnung ber a lo ni leh a, danglamna engmah hmuhtur a la awm thei reng reng lova. Damon-a thah tura an hruaichhuah lai chuan rilru natna nei miah lovin, " Pythias-a chu thli leh ruahin a nan ching vang a ni ngei ang, mahse ka lo intiamna avangin ka lungngaih phah hauh lo,"tiin a la sawi fan a. Damon-a an thah dawn lai tak chuan Pythias chu lal kulh chhungah a rawn lut ve ta hlawl mai a. Hlauhna leh lungngaihna therte mah nei lovin leh amah chu that zawk turin a nghawng chu a rawn dawh ta siah mai a ni. Chu thil dangdai tak; thiandun inkara hmangaihna leh rinawmna mak tak chu Dionysius-a chuan a lo hmuhin ropui a ti ta em em mai a, Pythias-a thah tura thupek a lo chhuah tawh chu hnuk kir lehin Pythias leh Damon-te thiandun chu a chhuah zalen ta a ni.
Țhiantha te hi zawng an lo hlu ania nge, mifing leh hnamfing hmasa; Greek ho rengin an lo chawisang thiam e mai.
No comments