Khawvel thil thleng mak leh dangdai zingah Nula thianghlim Mari inlarna chanchin hian mite ngaihven a hlawh hle a. Kum 1917 ațanga vawiin thleng hian khawvel thilmak zinga chhiar tel a la ni fan mai. Mari inlar chanchin hi a bikin Khawthlang Kohhran-ho khuan an bawh nasa leh zual a, Europe khawmual pawhin a buaipui nasa ngiang mai.
USA Georgia State-a Vonyers hmunah thla thar ni 13 a piangin Nula-thianghlim
Mi țhenkhat chuan Mari a ni an tih laiin, mi țhenlhat ve thung chuan Ramhuai mihringte bumtu mai a ni, an ti tlat bawk a. A inlarna țhin hmun pawimawh zual deuhte chu:
1)Portugal rama Fatima
2) Spain rama Garabandal
3) Yogoslavia rama Medjugorje te an ni.
Medjugorje hmunah hian 1981 kum atang khan naupang paruk hnenah a inlar țhin a. Helai hmun hi mimir maktaduai 15 leh rawngbawltu 15,000 velin an tlawh tawh nghe nghe a ni.
Mari inlarna hmuna thil thleng lar tak pakhat chu "Portugal's Dance Of The Sun" tia an sawi kha a ni a, he thil thleng hi a chhan chhuichhuah theihloh khawvel thil thleng mak (Mysteries; The Unexplained) Gallary-ah a mikhual lo hle a ni.
Hemi Portugal rama a inlar dan hi thlarau inlarna emaw, mitdawivaih thil emawa ngai tam tak an awm bawk.
Portugal rama Fatima hmunah 1917, May 13 khan naupang pathum, Jacinta Marto, a unaupa Francisco leh an cousin Lucia dos Santos-I te chuan an khaw daiah hmeichhe pakhat inlarna an hmu a. Chu hmeichhia chuan nula thianghlim Mari a nih thu te a sawi mauh mai a. Ani chuan thil tam tak a sawi bawk a; tin, chung mite hnenah chuan ni 13-ah a rawn inlar ziah tur thu te a sawi bawk a. A sawi ang ngei chuan, a hnu thla 6 chhung chu thla thar ni 13 a rawn thlen apiangin a rawn inlar ta ziah mai a ni.
Naupang pathumte hnena a inlar țum hian khawvela thil lo thlengturte a hrilhlawk a, naupang pahnih Francesco leh Jacinta-te hnenah chuan, "Nangni pahnih hi chu tun atanga reilo teah ka hnenah ka la ang che u. Mahse, Lucia hi chu rei tak khawvelah a la awm ang a, tuna ka thil sawi zawng zawng lo thleng dik hi a hmu vek bawk ang," a ti a. A sawi ang tak hian naupang pahnihte chu ni reilo teah an thi ta mai a, Lucia erawh chu he thu ziah lai pawh hian a la dam a, kum 97 vel a ni tawh a ni.
He thil hi a thlen hmasak ber atangin mite ngaihven a hlawh nasa em em a, Mari inlar lai hmuh tumin hmun hran hran atangin mipui tam tak an pungkhawm țhin a; mahse, mak deuh maiin chung naupang pathumte chauh lo chuan Mari nia inchhal rawn inlar chu an hmu ve thei lo a ni.
A inlar tawp ber ni chu October ni 13 a ni a; hemi ni hian mipui 100,000 chuang zet an pungkhawm ta mai a. Zing atangin Mari inlar lai hmuh tumin ruahsur hnuaiah mipui sang tam tak an tlim khat hmur mai a. Mipui chuan an beisei angin Mari chu an hmu lawk lo va; mahse, nakinah chuan chhum chhah tak karah ni a rawn lang ta uar mai a. Chu ni chhum kar atanga rawn lang chu a lan dan a inthlak ta thut mai a.
Ni chu silver rawngin a rawn lang ta a, lei lamah chak takin a rawn inkhawh thla ta pur pur mai a ni. Tin, ni chu a a sa țha vawl vawl hle a, chhumin a hual pap nghe nghe a, "sar zam" kan tih ang hi a ni ber awm e.
Nakinah chuan ni silver rawng chu a sen larah a rawn inthlak leh ta phut mai a. Reilo teah a rawng eng-in a rawn inthlak leh thuai a. A tawpah chuan nainawk rawng lam deuh hian a rawn lang leh a, tichuan van lamah a chho leh ta vung vung mai a. Chutih lai chuan ni chu a phu hlurh hlurh mai a, mipui chuan mak an ti kher mai.
He thil thleng mak leh dangdai tak hian minute 8 vel lai a awh nghe nghe a. Vawiin thleng hian khawvel thilmak chanchin ziahna ah, ‘Portugal’s dance of the Sun,’ tia chhinchhiah a lo ni ta a ni.
He thil thleng hi Science thlirna tarmit atang chuan thil ni thei lo tawp anga ngaih a ni mauh mai a. A chhan chu Ni khian a awmna a sawn ve ngailoh laiin Portugal rama Fatima hmunah erawh lei leh van kalhmang pel lutukin thil a thleng si a, chuvang chuan Cosmology-ho leh khawvel mi thiam tam tak chuan a hring a hrana ramhuai hnathawhah an puh hmin hmiah mai a ni. Cosmology-ho chuan, "Ni chu mipui hmuh lai anga thlawk kual vel vak ni tak tak se chuan, leilung kalphung hi minute 8 lek chhungin a buai zo vek dawn tihna a ni a; mahse, leilungah buaina chutiang engmah a thleng si lo va, ramhuai hnathawh a ni ngat mai," an ti a.
Hemi ni, May 13, 1917 kuma Fatima hmuna thil athlen lai hian naupang pathumte tihloh chuan Mari inlar lai hi an hmu ve thei lo va. Amaherawhchu, Ni a thlawk kual vel leh a rawng inthlak lai vel chu mipui 100,000 chuang fêin an mit ngeiin an hmu tlat si a ni. Mi țhenkhat ngaihdanah chuan khami nia mipuite mit kha, a huhova mitdawivai thei ‘mass halucinations’ hnathawh angin an hmu ta mai niin an ngai thung a. Kohhran lam erawh chuan i-he lovin Mi Thianghlim Mari inlarna leh Pathian thiltihtheihna rawn lan chhuahna ni ngeiin an ngai hmiah mai a ni.
Fatima hmunah chauh pawh hian Mari inlar an tih hi vawi tam tak hmuh a ni kan tih tawh kha, chu Mari a rawn inlar chuan Kohhran hruaitu lû Pope chungchang pawh a sawi nual nghe nghe a. "Pope XXIII (Pope 261-na) thih hnuah Pope pathum an rawn awm leh ang," tih te a sawi a ni.
Tin, Pope-ho zingah khan Pope John Paul II chuan Maro inlarna hi a tuipui hle a, a kawrfual hma lamah 'M' tih a ziak a, a kawr hnung lamah Latin țawngin "Totus tuns sum Maria" (Mary, I'm all yours) "Mari, ka pumin i ta ka ni" tih a chuang kuau bawk a. He Pope John Paul II hi kum 1981 May 13 khan kahhliam a ni nghe nghe a. Kahhliam a nih khan, hemi ni vek hian Fatima hmunah Mari inlar chuan Pope John Paul II chu, ama venhimna vang chauha damkhawchhuak a nih thu leh, khawvelah remna leh muanna siamtuah a duh vanga a nunna chhanhimsak a nih thu a sawi tlat mai a ni.
Pope John Paul II chu a lawm em em a, kahhliam a nih champha chiah kum 1982 May 13 khan Fatima hmunah kalin, chumi hmuna Mari lim an din lianpui hmaah chuan țhingțhiin a țawngțai ta hial a ni.
Kum 1982 August 15, 16 khan Mari hi a inlar leh a. Hemi țum hian Society of Jesus pawla Father Ramon Andrew-a unaupa mitthi tawh, Father Louis-a thlarau chu Mari chuan kohchhuahsakin a unau Father Ramon-a chu a biaktir nghe nghe a ni. A awmzia chu mitthi leh minung inkarah Mari nia inchhal chuan palai hna a thawk a ni ber ang chu.
Father Father Gobbi-a hnenah Sept 18, 1988 kum khan Mari hi a inlar leh bawk a. Khawvel chhiat tur thu a hrilh nghek a ni awm e. Tin, thingtlang lo neimi pakhat Michael O' Donnel hnenah August 1, 1988 khan Mari hi a inlar bawk a, Mari chuan thu a sawi țeuh nghe nghe a ni.
Mari nia inchhal rawn inlar țhin hian, kum 1917 atang daih tawh khan mite hmuh theihin a inlar tawh a, Kohhran lam pawhin an ngaihven nghal em em a. Mari inlarna hmun nia an sawiah chuan mipui tam tak a tlehin an tleh dul dul reng mai a. Heng Mari inlarna hmun hmingthang deuhte pawh hian vawiin thleng hian tlawhtu an chatlak mang lo va. Mari inlarna ringtuho (Mariologists) hial an lo pian phah ta a ni.
Source: Almanac Of The Uncanny, Mysteries;The Unexplained
USA Georgia State-a Vonyers hmunah thla thar ni 13 a piangin Nula-thianghlim
Mi țhenkhat chuan Mari a ni an tih laiin, mi țhenlhat ve thung chuan Ramhuai mihringte bumtu mai a ni, an ti tlat bawk a. A inlarna țhin hmun pawimawh zual deuhte chu:
1)Portugal rama Fatima
2) Spain rama Garabandal
3) Yogoslavia rama Medjugorje te an ni.
Medjugorje hmunah hian 1981 kum atang khan naupang paruk hnenah a inlar țhin a. Helai hmun hi mimir maktaduai 15 leh rawngbawltu 15,000 velin an tlawh tawh nghe nghe a ni.
Mari inlarna hmuna thil thleng lar tak pakhat chu "Portugal's Dance Of The Sun" tia an sawi kha a ni a, he thil thleng hi a chhan chhuichhuah theihloh khawvel thil thleng mak (Mysteries; The Unexplained) Gallary-ah a mikhual lo hle a ni.
Hemi Portugal rama a inlar dan hi thlarau inlarna emaw, mitdawivaih thil emawa ngai tam tak an awm bawk.
Portugal rama Fatima hmunah 1917, May 13 khan naupang pathum, Jacinta Marto, a unaupa Francisco leh an cousin Lucia dos Santos-I te chuan an khaw daiah hmeichhe pakhat inlarna an hmu a. Chu hmeichhia chuan nula thianghlim Mari a nih thu te a sawi mauh mai a. Ani chuan thil tam tak a sawi bawk a; tin, chung mite hnenah chuan ni 13-ah a rawn inlar ziah tur thu te a sawi bawk a. A sawi ang ngei chuan, a hnu thla 6 chhung chu thla thar ni 13 a rawn thlen apiangin a rawn inlar ta ziah mai a ni.
Naupang pathumte hnena a inlar țum hian khawvela thil lo thlengturte a hrilhlawk a, naupang pahnih Francesco leh Jacinta-te hnenah chuan, "Nangni pahnih hi chu tun atanga reilo teah ka hnenah ka la ang che u. Mahse, Lucia hi chu rei tak khawvelah a la awm ang a, tuna ka thil sawi zawng zawng lo thleng dik hi a hmu vek bawk ang," a ti a. A sawi ang tak hian naupang pahnihte chu ni reilo teah an thi ta mai a, Lucia erawh chu he thu ziah lai pawh hian a la dam a, kum 97 vel a ni tawh a ni.
He thil hi a thlen hmasak ber atangin mite ngaihven a hlawh nasa em em a, Mari inlar lai hmuh tumin hmun hran hran atangin mipui tam tak an pungkhawm țhin a; mahse, mak deuh maiin chung naupang pathumte chauh lo chuan Mari nia inchhal rawn inlar chu an hmu ve thei lo a ni.
A inlar tawp ber ni chu October ni 13 a ni a; hemi ni hian mipui 100,000 chuang zet an pungkhawm ta mai a. Zing atangin Mari inlar lai hmuh tumin ruahsur hnuaiah mipui sang tam tak an tlim khat hmur mai a. Mipui chuan an beisei angin Mari chu an hmu lawk lo va; mahse, nakinah chuan chhum chhah tak karah ni a rawn lang ta uar mai a. Chu ni chhum kar atanga rawn lang chu a lan dan a inthlak ta thut mai a.
Ni chu silver rawngin a rawn lang ta a, lei lamah chak takin a rawn inkhawh thla ta pur pur mai a ni. Tin, ni chu a a sa țha vawl vawl hle a, chhumin a hual pap nghe nghe a, "sar zam" kan tih ang hi a ni ber awm e.
Nakinah chuan ni silver rawng chu a sen larah a rawn inthlak leh ta phut mai a. Reilo teah a rawng eng-in a rawn inthlak leh thuai a. A tawpah chuan nainawk rawng lam deuh hian a rawn lang leh a, tichuan van lamah a chho leh ta vung vung mai a. Chutih lai chuan ni chu a phu hlurh hlurh mai a, mipui chuan mak an ti kher mai.
He thil thleng mak leh dangdai tak hian minute 8 vel lai a awh nghe nghe a. Vawiin thleng hian khawvel thilmak chanchin ziahna ah, ‘Portugal’s dance of the Sun,’ tia chhinchhiah a lo ni ta a ni.
He thil thleng hi Science thlirna tarmit atang chuan thil ni thei lo tawp anga ngaih a ni mauh mai a. A chhan chu Ni khian a awmna a sawn ve ngailoh laiin Portugal rama Fatima hmunah erawh lei leh van kalhmang pel lutukin thil a thleng si a, chuvang chuan Cosmology-ho leh khawvel mi thiam tam tak chuan a hring a hrana ramhuai hnathawhah an puh hmin hmiah mai a ni. Cosmology-ho chuan, "Ni chu mipui hmuh lai anga thlawk kual vel vak ni tak tak se chuan, leilung kalphung hi minute 8 lek chhungin a buai zo vek dawn tihna a ni a; mahse, leilungah buaina chutiang engmah a thleng si lo va, ramhuai hnathawh a ni ngat mai," an ti a.
Hemi ni, May 13, 1917 kuma Fatima hmuna thil athlen lai hian naupang pathumte tihloh chuan Mari inlar lai hi an hmu ve thei lo va. Amaherawhchu, Ni a thlawk kual vel leh a rawng inthlak lai vel chu mipui 100,000 chuang fêin an mit ngeiin an hmu tlat si a ni. Mi țhenkhat ngaihdanah chuan khami nia mipuite mit kha, a huhova mitdawivai thei ‘mass halucinations’ hnathawh angin an hmu ta mai niin an ngai thung a. Kohhran lam erawh chuan i-he lovin Mi Thianghlim Mari inlarna leh Pathian thiltihtheihna rawn lan chhuahna ni ngeiin an ngai hmiah mai a ni.
Fatima hmunah chauh pawh hian Mari inlar an tih hi vawi tam tak hmuh a ni kan tih tawh kha, chu Mari a rawn inlar chuan Kohhran hruaitu lû Pope chungchang pawh a sawi nual nghe nghe a. "Pope XXIII (Pope 261-na) thih hnuah Pope pathum an rawn awm leh ang," tih te a sawi a ni.
Tin, Pope-ho zingah khan Pope John Paul II chuan Maro inlarna hi a tuipui hle a, a kawrfual hma lamah 'M' tih a ziak a, a kawr hnung lamah Latin țawngin "Totus tuns sum Maria" (Mary, I'm all yours) "Mari, ka pumin i ta ka ni" tih a chuang kuau bawk a. He Pope John Paul II hi kum 1981 May 13 khan kahhliam a ni nghe nghe a. Kahhliam a nih khan, hemi ni vek hian Fatima hmunah Mari inlar chuan Pope John Paul II chu, ama venhimna vang chauha damkhawchhuak a nih thu leh, khawvelah remna leh muanna siamtuah a duh vanga a nunna chhanhimsak a nih thu a sawi tlat mai a ni.
Pope John Paul II chu a lawm em em a, kahhliam a nih champha chiah kum 1982 May 13 khan Fatima hmunah kalin, chumi hmuna Mari lim an din lianpui hmaah chuan țhingțhiin a țawngțai ta hial a ni.
Kum 1982 August 15, 16 khan Mari hi a inlar leh a. Hemi țum hian Society of Jesus pawla Father Ramon Andrew-a unaupa mitthi tawh, Father Louis-a thlarau chu Mari chuan kohchhuahsakin a unau Father Ramon-a chu a biaktir nghe nghe a ni. A awmzia chu mitthi leh minung inkarah Mari nia inchhal chuan palai hna a thawk a ni ber ang chu.
Father Father Gobbi-a hnenah Sept 18, 1988 kum khan Mari hi a inlar leh bawk a. Khawvel chhiat tur thu a hrilh nghek a ni awm e. Tin, thingtlang lo neimi pakhat Michael O' Donnel hnenah August 1, 1988 khan Mari hi a inlar bawk a, Mari chuan thu a sawi țeuh nghe nghe a ni.
Mari nia inchhal rawn inlar țhin hian, kum 1917 atang daih tawh khan mite hmuh theihin a inlar tawh a, Kohhran lam pawhin an ngaihven nghal em em a. Mari inlarna hmun nia an sawiah chuan mipui tam tak a tlehin an tleh dul dul reng mai a. Heng Mari inlarna hmun hmingthang deuhte pawh hian vawiin thleng hian tlawhtu an chatlak mang lo va. Mari inlarna ringtuho (Mariologists) hial an lo pian phah ta a ni.
Source: Almanac Of The Uncanny, Mysteries;The Unexplained
No comments