Ka thil rawn sawi tur hi nipui sikul chawlh hmanga ka pû-te khua ka zin țuma ka thil hriat mak ve ang reng tak chanchin a ni.
Ka pûte kawmthlangah chuan chhungkaw hung pangngai ve tak an cheng a. An pû ber phei chu Burma sipaiah țangin Japan rallian pawh kha a hmachhawn ve hman hial a. Imphal lamah ral bei tura an kal laiin an chuanna motor chesualah a tel ve hlauh mai a, a malpui tliak avangin medical board-in a pension ta a, a titi ngaihthlak a nuam thin khawp mai.
Kawmthlangte nupa chuan fa pathum an nei a, an fanu upa ber chu kum nga vel hi a ni a, a nau hmeichhia erawh kum hnih vel niin, an fa tlum ber mipa erawh chu hnute hne lai hi a ni a, an chhangchhe pangngai ve khawp mai.
Tlai khat chu veng hlui lama an u te rawn leng phei chuan an unau lawm atan naute lem, puak theih hial khawpa lian hi an rawn pe a. Chu naute lem chu sam kir bim bem, mitmeng pawl rem mai te hi a ni reuh va.
Mahse, chu naute lem an rawn pek chu mak deuh maiin an fate chuan an hlau tlat mai a, an fanu naupang zawk phei chu a hmuh rualin a țe țhawt nghe nghe a, a bulah pawh a kal duh miah lo va. A bul hnaia an ken rikngawt pawhin a rak tuar tuar mai a. A nau zawk pawh puaktir an han tum ringawt a, țe thawt pahin chhuatah a beng per nawlh zel mai a ni.
Mahse, chutianga miin duhsak taka an rawn pek ve nafam chu naupangin lawm viau lo mahse dawhkan kilah an hung mawi vel ve ta mai mai a.
Zan hnih an kawl atangin an fate an muhil thei lova, an han chhin ve sak chang pawhin hlauh nei tih hriat fahran hian an rawn harh leh hlawl hlawl mai thin a, a ngaihna lah an hre mai bik si lo.
A hnuah naute lem rawn petu an u-te rawn len leh țum chuan thil awmdan an lo hrilh a. An u chuan chu naute lem chu paih bo daih turin a ti a, chutia paih tuma an han ken laite chuan an fate chuan an țap tuar tuar mai a ni.
An u rawn leng chuan tihian a sawi ta a. "Kha naute lem kha, a mawi reuh si a, han paih daih ai chuan tiin kan rawn pe cheu a, engmah in sawi ta bik si lo va. Tin, rilru dang pua rawn keng kan ni lo va, Sangsangi ten an lo lawm hlauh takin kan ti a," a ti a.
"kan pa hnathawk rawn hawngin, Gorkhali tuipipe siamho riah buk hlui atangin, 'a duhawm reuh em mai, 'Numami lawmah kan hawn teh ang' tiin a rawn hawn a. Mahse, Numami hian a hlau deuh tlat mai a, zanah phei chuan a bula dah pawh a duh lo va, kan puaktir dawn phei chuan a chum thla tawp zel a ni.
Mahse, kan paih bosak dawn lahin a ui ve deuh tlat thin si a, chuvang chuan bangkil dawhkanah kan hung vel ta mai mai a.
Mak deuh mai chu, naute kan kawl chhung khan an inah thawm danglam tak tak kan hre țhin a. Mihring per ri thlup thlup thawm te, naute kan hunna lamah in be ri ser ser thawm te kan hre țhin a. Kan zan leng hawng te hian in chhungah thil phe vuai kan hmuh thin a. Chu mai a ni lo, kan țhenawmte'n kan inah naupang rak thawm an hriat țhin thu min hrilh bawk.
Thawm kan hriat hian Numami pa hi a tho vat zel a; mahse, a han zawn vel ngial pawhin engmah a hmu ngai țhin si lo va, sazu kan puh leh tawp țhin a, sazu thawm erawh a ni lo deuh tih kan hre chiang nasa mai si a. Hetia naute kan kawl tak loh chinah chuan chutiang thawm chu a reh tak hmak niin kan hria," a ti ta a.
An u chuan tihian a sawi bawk a. "Vawi khat chu, phai atanga kan pa rawn thlen zanah Numami hi a damlo vak mai a, zan laiah te a kaih a, thih ngam tak meuhvin a na a. Mahse, a tukzing tukțhuan ei hun velah Numami chu a rawn tho hlawl a, tuisik a in khalh khalh a, a dam țha leh ta vang mai a, mak kan ti kher mai. Kha thilthleng ka han ngaihtuah neuh neuh hian, Numami khawsik tlai kha, kan țhenawm naupangte rawn len tlai chiah a ni a. Țhenawm naupang leh Numami khan kan nautê lem kha inchuhin Numami khan naute lem bawp a pawt bal a, khami zan chiah kha Numami damloh vak zan kha a ni a. Tin, a rawn dam leh vah tuk kha, kan pain nauté lem bawp lehlam khumhnuaia a chhara a vuah leh tuk chiah mai kha a ni lehpek a, ka ngaihtuah neuh neuh hian kan nautê lem khan min rap deuh tlat mai a, ka han en țhin a, min melh kar ni mai hian ka hre bawk nen, nutling phanchang meuh tawh pawh nautê lem hlauvin ka hmulthi a tho ar ar thei zu nia!," a ti ta a.
Naute lem an paih bo tak hnu chuan an inchhungah chutiang thil danglam chu hriat tur a awm ta miah lo a ni.
Hnampui kan tihho hian hetiang lam hawi Film leh Movies an siam nual a, Child play te pawh a lar vet vet viau mai.
Ka han sawi duh tak zawk chu, hetiang naupangte inkhualtelemna hmanrua chuauh ni lo, kan inchhungkhura kan bungrua leh kan thil kawl tam tak hi hnamdang, sakhaw dang biate siam a awm nual a. Rebecca Brown thuziakah khan naute in awmtleina (Toys) te hi a siamtu ten an sakhua tih danin an chhamphual a, thlarau sual an dah a tih kha ka hrechhuak a, thil ho mai maia kan ngaih atang hian Setana hian Ringtute a bei nasa hle tih hre nawn leh ang u.
Ka pûte kawmthlangah chuan chhungkaw hung pangngai ve tak an cheng a. An pû ber phei chu Burma sipaiah țangin Japan rallian pawh kha a hmachhawn ve hman hial a. Imphal lamah ral bei tura an kal laiin an chuanna motor chesualah a tel ve hlauh mai a, a malpui tliak avangin medical board-in a pension ta a, a titi ngaihthlak a nuam thin khawp mai.
Kawmthlangte nupa chuan fa pathum an nei a, an fanu upa ber chu kum nga vel hi a ni a, a nau hmeichhia erawh kum hnih vel niin, an fa tlum ber mipa erawh chu hnute hne lai hi a ni a, an chhangchhe pangngai ve khawp mai.
Tlai khat chu veng hlui lama an u te rawn leng phei chuan an unau lawm atan naute lem, puak theih hial khawpa lian hi an rawn pe a. Chu naute lem chu sam kir bim bem, mitmeng pawl rem mai te hi a ni reuh va.
Mahse, chu naute lem an rawn pek chu mak deuh maiin an fate chuan an hlau tlat mai a, an fanu naupang zawk phei chu a hmuh rualin a țe țhawt nghe nghe a, a bulah pawh a kal duh miah lo va. A bul hnaia an ken rikngawt pawhin a rak tuar tuar mai a. A nau zawk pawh puaktir an han tum ringawt a, țe thawt pahin chhuatah a beng per nawlh zel mai a ni.
Mahse, chutianga miin duhsak taka an rawn pek ve nafam chu naupangin lawm viau lo mahse dawhkan kilah an hung mawi vel ve ta mai mai a.
Zan hnih an kawl atangin an fate an muhil thei lova, an han chhin ve sak chang pawhin hlauh nei tih hriat fahran hian an rawn harh leh hlawl hlawl mai thin a, a ngaihna lah an hre mai bik si lo.
A hnuah naute lem rawn petu an u-te rawn len leh țum chuan thil awmdan an lo hrilh a. An u chuan chu naute lem chu paih bo daih turin a ti a, chutia paih tuma an han ken laite chuan an fate chuan an țap tuar tuar mai a ni.
An u rawn leng chuan tihian a sawi ta a. "Kha naute lem kha, a mawi reuh si a, han paih daih ai chuan tiin kan rawn pe cheu a, engmah in sawi ta bik si lo va. Tin, rilru dang pua rawn keng kan ni lo va, Sangsangi ten an lo lawm hlauh takin kan ti a," a ti a.
"kan pa hnathawk rawn hawngin, Gorkhali tuipipe siamho riah buk hlui atangin, 'a duhawm reuh em mai, 'Numami lawmah kan hawn teh ang' tiin a rawn hawn a. Mahse, Numami hian a hlau deuh tlat mai a, zanah phei chuan a bula dah pawh a duh lo va, kan puaktir dawn phei chuan a chum thla tawp zel a ni.
Mahse, kan paih bosak dawn lahin a ui ve deuh tlat thin si a, chuvang chuan bangkil dawhkanah kan hung vel ta mai mai a.
Mak deuh mai chu, naute kan kawl chhung khan an inah thawm danglam tak tak kan hre țhin a. Mihring per ri thlup thlup thawm te, naute kan hunna lamah in be ri ser ser thawm te kan hre țhin a. Kan zan leng hawng te hian in chhungah thil phe vuai kan hmuh thin a. Chu mai a ni lo, kan țhenawmte'n kan inah naupang rak thawm an hriat țhin thu min hrilh bawk.
Thawm kan hriat hian Numami pa hi a tho vat zel a; mahse, a han zawn vel ngial pawhin engmah a hmu ngai țhin si lo va, sazu kan puh leh tawp țhin a, sazu thawm erawh a ni lo deuh tih kan hre chiang nasa mai si a. Hetia naute kan kawl tak loh chinah chuan chutiang thawm chu a reh tak hmak niin kan hria," a ti ta a.
An u chuan tihian a sawi bawk a. "Vawi khat chu, phai atanga kan pa rawn thlen zanah Numami hi a damlo vak mai a, zan laiah te a kaih a, thih ngam tak meuhvin a na a. Mahse, a tukzing tukțhuan ei hun velah Numami chu a rawn tho hlawl a, tuisik a in khalh khalh a, a dam țha leh ta vang mai a, mak kan ti kher mai. Kha thilthleng ka han ngaihtuah neuh neuh hian, Numami khawsik tlai kha, kan țhenawm naupangte rawn len tlai chiah a ni a. Țhenawm naupang leh Numami khan kan nautê lem kha inchuhin Numami khan naute lem bawp a pawt bal a, khami zan chiah kha Numami damloh vak zan kha a ni a. Tin, a rawn dam leh vah tuk kha, kan pain nauté lem bawp lehlam khumhnuaia a chhara a vuah leh tuk chiah mai kha a ni lehpek a, ka ngaihtuah neuh neuh hian kan nautê lem khan min rap deuh tlat mai a, ka han en țhin a, min melh kar ni mai hian ka hre bawk nen, nutling phanchang meuh tawh pawh nautê lem hlauvin ka hmulthi a tho ar ar thei zu nia!," a ti ta a.
Naute lem an paih bo tak hnu chuan an inchhungah chutiang thil danglam chu hriat tur a awm ta miah lo a ni.
Hnampui kan tihho hian hetiang lam hawi Film leh Movies an siam nual a, Child play te pawh a lar vet vet viau mai.
Ka han sawi duh tak zawk chu, hetiang naupangte inkhualtelemna hmanrua chuauh ni lo, kan inchhungkhura kan bungrua leh kan thil kawl tam tak hi hnamdang, sakhaw dang biate siam a awm nual a. Rebecca Brown thuziakah khan naute in awmtleina (Toys) te hi a siamtu ten an sakhua tih danin an chhamphual a, thlarau sual an dah a tih kha ka hrechhuak a, thil ho mai maia kan ngaih atang hian Setana hian Ringtute a bei nasa hle tih hre nawn leh ang u.
 |
| A Doll |
No comments