Kum 1914-a Lushai Hills atanga Burma ram kawlphaia pem lut hmasa Mizote chanchin mak leh, an thil tawn dangdai deuh deuh nia ka hriat ka lawrkhawm ve a. A chhum bung rim remin, mi țhenkhat tan chuan nuih tiza tham pawh a tling lo tih a chiang reng mai.
A hun leh ni, a thla leh kum te hi a dik riak e phei zawng ka ti hauh lo. Mahse, ngaihnawm thlira lo thlirtu tan hlutna kawng khat tal a lo neih ve tak mialin tih lamah ka innghat zawk a. Chuvang chuan ka ât ka phak tawkin ngaihnawm atan ka han thailang ve leh a ni e.
Tin, A bu chhunga tel lo, "Hlauhawm Lawrkhawm" tih leh, "Ramhuai Liamkawn" tia Post hmasa lama ka ziak a chhunzawmna kha a ni e.
Kum 1914-ah Champhai Hmunhmelțha ațangin Pu Hranghlira (Kapmawia pa) te chu Burma ram kawlphaiah an lut chho a. Kum 1915-ah Champhai Hmunhmelțha ațang bawkin Pi Thanghangi leh a fate pathum leh Pu Rinlohvate chhungkua an lut ve leh a, anni chuan Myohla khuaa Kawlho an bel a. Tin, Kum 1916, Pawlkut thla-ah Hriangtlang lal fapa Pu Sainguauva leh a hote in sawmthum lai chuan khaw tha tui tha zuanin Kabaw phaikuamah an lut leh bawk a, khaw thar an sat nghal zat a. Chu khua chu Letpankung an phuah a. Letpankung khuaa Lushai chengte chu Myohla khuaa Kawlho beltute khan an rawn fin ta bawk a. Chuvang chuan Letpankung khua hi Kawlphaia Lushaite (Mizo) khaw sah hmasa ber leh an inbenbelna hmasa ber a ni.
Ngawdur chhah pui pui țhiatin tu ma la dai dar loh ramchang hakin thlawhhma zau tak tak an pawm hlawm a. Thosi leh vaihmite karah kawla ni chhuak chhiarin sadai ek an hampherh nitin a. Chua-chhapah, an chheh velah an la hmelhriat ngai reng reng loh thil dangdai leh ramhuai hnathawh mak pui pui a thleng reng mai bawk a, a hring a hrana ramhuai hmu pawh an awm nawk reng a ni.
Dothanga'n a nupui thlâ a kap
Pi Hangi makpa Dothanga chu sa kap thei tak mai a ni a. 1921-kum tawpah Tuițhaphai atangin phai leilet zuanin Kawlphaiah an pem lut a. Dothanga nupui chu Tualchingi niin, anni hi Zohnahthlak zinga Thahdo pem lut hmasa ber an ni awm e.
Kabaw phaikuam chu khua a lumin boruak a uap nghet churh mai a. Burma sorkar pawhin hmun ram hrisel loa a lo puan tawh thin angin, malaria leh santen (dysentery) hri a len bakah natna mak pui pui a leng nasa hle a. Dothanga nupui Tualchingi pawh an pem kum hian a hrisel lo hle a ni.
Țomir thla nawi lam a ni a, nipui sen sat lai tak a nih avangin kum dang zawng aiin khua a lum lehzualin ram a kang nasa hle a. Zan lamah chuan chhuah lam tlangdung leh phai kin ret thleng mai hian țaumeichherchi an inzui eng tliar tluar țhin a, zan rei lamah chuan a tlangdung tluanin a en hian a eng ut mai thin a ni.
Dothanga chu a nupui Tualchingi nen leilet zau fê sualin thlamah an riak a. Tualchingi chu tuibur duh tak mai hi a ni a, a hmui leh tuibur dawn hi a inchuktuah awl lo a ni ber e. Vawi khat chu, Tualchingi chuan thlam kianga bawkbawn rah chu zanriah chawhmeh ah tiin a han lo a. A bawkbawn lawh chu siksilah a bun khawm mai a. A Bawkbawn lawh pumkhat chu a mak danglam bik riau mai a. Siksil chhunga a dah chu a zuk enchiang leh kher a. Mak tak maiin siksilah chuan nausen hmelchhe danglam tak, saruaka lo vawk mut ngât hi a hmu tlat mai a! a hlau thlabar pheng chuan mu leh mal nei lovin thlam thlang lamah a tlan ta chiam a, a țe teng tung ringawt mai a ni.
Zanah chuan namen lovin a khua a sik a. A khât tawkin a țawngvai bual bual reng bawk a. Khuantevik ah thovin khuaah inenkawl turin an hawng ta a. Mahse, Tualchingi chuan dam țhat ni a hmu thei tak tak tawh lo va. Thla em ât an sawi ang maiin chhun lamah a tuallim loh viau rualin; zanlaiah ram hla tak tak thleng hian a vakchhuak fo ang lawi si a, Dothanga chu a mangang em em mai a ni.
Tlai khat chu Dothanga chuan an vaua sakhi chhuak thin chu a chang a. Chumi tlai chuan khua a thiangin kawl a set phût mai a. Khua a rawn tlai lam zel a, a țhutna thlang deuh atang chuan mihring tlak ri bap bap thawm hi a rawn chhuak a. Dothanga chuan sapui thawm ni ngeiin a hria a, mak ti takin a beng a chhi kar reng a.
Tlak bap bap thawm chu a lo hnai zel a. Nakinah chuan a kiang vel chu tuibur rim hlir mai hian a khat tlat a ni ber a. A han hawi vel a, a țhutna thlangah chuan sakhi buang ang ther thawr, rim nâ tak si ; amah hnungchhawn zawnga lo ding reng chu a hmu ta mai a ni. Mak tak maiin chu sakhi lû chu a nupui Tualchingi lû ngei hi a ni tlat mai a. A sambu-ah chuan a nupui darsen dawhkilh ngei pawh a la inthiat tâng ngoh mai si a. A hmaitlang pawh ni tlak sar zamah chiang takin a lang thei a, Dothanga chuan mak a ti kher mai.
Dothanga chuan a nupui chu ramhuaiin an man ngei dawn niin a ngai a, ngawltawt chhuahin chu sakhi danglam tak chu a hrei-bahah tak a kap ta dur mai a. Vawi-leh-khatah
Dothanga chu khuaah a hawng vang vang a. Sumhmun a thlen chuan a nupui Tualchingi damlo chu an phungbawm ten an lo bawihsawm mek hi a lo ni a. Dothanga hmel Tualchingi'n a han hmuh chuan, sazu hual chep tawh ang tlat hian a dip a sai der der a, a khur zawih zawih mai bawk a. Zan laiah chuan Dothanga nupui Tualchingi chu a natna ber pawh sawi tur awm lovin a thi ta mai a ni.
Mi țhenkhat chuan, Dothanga thil tawn mak tak kha, a nupui Tualchingi thlâ ngei niin an sawi thin a. Dothanga ngei pawhin a sakhi chan chhuah mak tak chanchin chu a kumkhaw sawi a tling a ni.
Lushai Hills atanga Burma rama pem lut Mizote chuan Lushai hnam an inti mai thin a, chu chu vawiin thlenga sorkarin a chhinchhiah dan leh a koh dan pawh a ni a. Lushai Hills atanga an pem luh runpui kum tak erawh 1959-kum kha a ni a. Burma sorkar chuan an chungchang ngaihtuahsakin,
Lushai kawlphaia lut hmasate chuan phai leilet hnathawh dan kawnghmang leh thlawhhma lak dan an hre lo hle mai a. An chheh vela Kawl-ho chuan han hrilh sa teh mahse; Kawl țawng an thiam loh avangin awmzia a nei thui lo hle a. Mahse, Kawlho leileh dan chu entawnin an zir ve zel a, lawi leh bawngte an vulh pung chho ve zel a. Kum tin ngawpui țhiah ngai tawh lovin, kum 1924 ațang chuan lei an let thiam ta bawk a, lo nghet, ram nghet neiin leilet țha an nei thei ta a ni.
Ramhuai chawngchen chhimtu Zavela
Kum 1925, Ramtuk thla chawhma lam a ni a. Zavela leh a fapa Lalngûra chu an leilet pawm ringthar nawr belh turin tuihâng ramah an riak lut a. Lalngûra chu naupang ramțang rual vel hi a ni tawh a. A pa hnathawh hlanin tui chawi leh thing fawm, chaw chhum te a lo kawp ve thin a. Chutiang chuan chawlh kar khat dawn an riak tawh a.
Zan khat chu, khua a thim fel awrh chauh tihah an thlam chhak tlang pangper atang hian, mi tuten emaw meichher an rawn det thla thluah thluah mai a. Anni pa-fa chuan zualko ah ngaiin an lo thlir reng a. Nakinah chuan, chung meichher chu an lo hnai zel a, an meichher êk chu thlam chhaka thingbulah chuan an sawh leng chum chum a. Thlam tual an rawn thlen chuan hmeichhia pahnih leh mipa pakhat, hmel la valai tak hi an lo ni a. Thla eng hnuaiah chuan chung hmeichhe pahnihte hmel chu changel laimu kheh ang piak hian an var no ser mai a ni.
Thlam kailawnah an meichher an tung a, an rawn lawn a. Hmeichhe sam sei zawk chuan, "Vela, kha i fapa Ngûrbawnga a ni maw?, Vau thlaa piang nafam chu a hmai a faiin a ruangâm pawh i dung a thul a nih ngat kha maw," an rawn ti ta mai a. Lalngûra chuan a hlau hle mai a, a țap lek lek hial a. "Aw, ni e, ka fapa tlum ber a ni a, engtia a pian thla leh zel zel hria ni cheu nimaw? nangni zawk tu khua mite nge in nih hlawm?" Zavela chuan a han ti a.
Chu nu bawk chuan an thlam chhak tlangdunga cheng an nih thu leh, an hotupa thu hmua rawn kal an nih thu-in a chhang leh a. Nakinah chuan, chu nu chuan anni chu zui chho ve a, an chawngchen chu chhim ve turin a sawm ta tlut tlut mai a.
Mak deuh maiin Lalngûra chu mutchhuakin a rawn zem chiai chiai a, a pa ban ngheng chung chuan a arpui men diar diar a. Zavela chuan "Ngûrbawnga hi han muhil zet se" a ti a. Reiloteah Lalngûra chu a muhil ta bawrh bawrh mai a. Zavela chuan a fapa chu a han mut rem a, meichher a dep kai a. Tichuan, ani chu ramhuai-ho chuan an karcheh a, chawngchen tur chuan an riahbuk chhaka ramhnuai ngaw ril lamah an hruai ta a.
Zavela chuan kawng bo dalah a khattawkin a meichher-ek chu a nawr thla zel a. Nakinah chuan in lian leh ropui tak hi a lo ding luah mai a, a chhungah chuan dâr tum ri leh se ki khawng ri a inchhawn tlut tlut reng a. Meichher chu pawnah tungin chu in ropui takah chuan an lut ta a.
Zavela chu in ropui chhungah rei fê a awm hnuin, khawvar hnaih lamah ramhuai pathumte bawk khan an hruai chhuak leh a. A hnenah chuan an chawngchen a chhim thu leh chumi zana thil thleng reng reng chu, tu mah hrilh lo tur leh, a chenpui a chhungte hnenah ngei pawh puangzar miah lo turin an ti a.
Zavela'n a thlam a han thlen leh meuh chuan khawfing pawh a chat lek lek tawh a. A fapa muhil lai chu a sawih harh nawk nawk a, khawvar chian pawh nghak zo lovin phur an siam sawk sawk a, in lam panin an hawng ta vang vang mai a ni.
In an han thleng ta cheng a, Zavela chuan a thiltawn mak tak chu zep leh thukhuh nei miah lovin a sawichhuak ta piap piap mai a. A thusawi ngaihbel tur tingin chawlhkar khat pawh a liam hmain Zavela chuan an leihkâpui dawh a rap pial a, a tlakna lamah nâ takin a phing a sawh a. Rei pawh rial lovin chu chu a thihpui ta mai a ni.
Tlai khat chu Tailiana pa hovin Zavela te pafa riahna hmun hma an zuk chian leh ngat a, an thlam zawng zawng chu țhawnga-leiviri
Hemi țuma Zavela ramhuai chawngchen chhim hian vawk dar pawh a rawn hawn hial niin an sawi thin.
Chhunzawm zel tur...
A hun leh ni, a thla leh kum te hi a dik riak e phei zawng ka ti hauh lo. Mahse, ngaihnawm thlira lo thlirtu tan hlutna kawng khat tal a lo neih ve tak mialin tih lamah ka innghat zawk a. Chuvang chuan ka ât ka phak tawkin ngaihnawm atan ka han thailang ve leh a ni e.
Tin, A bu chhunga tel lo, "Hlauhawm Lawrkhawm" tih leh, "Ramhuai Liamkawn" tia Post hmasa lama ka ziak a chhunzawmna kha a ni e.
Kum 1914-ah Champhai Hmunhmelțha ațangin Pu Hranghlira (Kapmawia pa) te chu Burma ram kawlphaiah an lut chho a. Kum 1915-ah Champhai Hmunhmelțha ațang bawkin Pi Thanghangi leh a fate pathum leh Pu Rinlohvate chhungkua an lut ve leh a, anni chuan Myohla khuaa Kawlho an bel a. Tin, Kum 1916, Pawlkut thla-ah Hriangtlang lal fapa Pu Sainguauva leh a hote in sawmthum lai chuan khaw tha tui tha zuanin Kabaw phaikuamah an lut leh bawk a, khaw thar an sat nghal zat a. Chu khua chu Letpankung an phuah a. Letpankung khuaa Lushai chengte chu Myohla khuaa Kawlho beltute khan an rawn fin ta bawk a. Chuvang chuan Letpankung khua hi Kawlphaia Lushaite (Mizo) khaw sah hmasa ber leh an inbenbelna hmasa ber a ni.
Ngawdur chhah pui pui țhiatin tu ma la dai dar loh ramchang hakin thlawhhma zau tak tak an pawm hlawm a. Thosi leh vaihmite karah kawla ni chhuak chhiarin sadai ek an hampherh nitin a. Chua-chhapah, an chheh velah an la hmelhriat ngai reng reng loh thil dangdai leh ramhuai hnathawh mak pui pui a thleng reng mai bawk a, a hring a hrana ramhuai hmu pawh an awm nawk reng a ni.
Dothanga'n a nupui thlâ a kap
Pi Hangi makpa Dothanga chu sa kap thei tak mai a ni a. 1921-kum tawpah Tuițhaphai atangin phai leilet zuanin Kawlphaiah an pem lut a. Dothanga nupui chu Tualchingi niin, anni hi Zohnahthlak zinga Thahdo pem lut hmasa ber an ni awm e.
Kabaw phaikuam chu khua a lumin boruak a uap nghet churh mai a. Burma sorkar pawhin hmun ram hrisel loa a lo puan tawh thin angin, malaria leh santen (dysentery) hri a len bakah natna mak pui pui a leng nasa hle a. Dothanga nupui Tualchingi pawh an pem kum hian a hrisel lo hle a ni.
Țomir thla nawi lam a ni a, nipui sen sat lai tak a nih avangin kum dang zawng aiin khua a lum lehzualin ram a kang nasa hle a. Zan lamah chuan chhuah lam tlangdung leh phai kin ret thleng mai hian țaumeichherchi an inzui eng tliar tluar țhin a, zan rei lamah chuan a tlangdung tluanin a en hian a eng ut mai thin a ni.
Dothanga chu a nupui Tualchingi nen leilet zau fê sualin thlamah an riak a. Tualchingi chu tuibur duh tak mai hi a ni a, a hmui leh tuibur dawn hi a inchuktuah awl lo a ni ber e. Vawi khat chu, Tualchingi chuan thlam kianga bawkbawn rah chu zanriah chawhmeh ah tiin a han lo a. A bawkbawn lawh chu siksilah a bun khawm mai a. A Bawkbawn lawh pumkhat chu a mak danglam bik riau mai a. Siksil chhunga a dah chu a zuk enchiang leh kher a. Mak tak maiin siksilah chuan nausen hmelchhe danglam tak, saruaka lo vawk mut ngât hi a hmu tlat mai a! a hlau thlabar pheng chuan mu leh mal nei lovin thlam thlang lamah a tlan ta chiam a, a țe teng tung ringawt mai a ni.
Zanah chuan namen lovin a khua a sik a. A khât tawkin a țawngvai bual bual reng bawk a. Khuantevik ah thovin khuaah inenkawl turin an hawng ta a. Mahse, Tualchingi chuan dam țhat ni a hmu thei tak tak tawh lo va. Thla em ât an sawi ang maiin chhun lamah a tuallim loh viau rualin; zanlaiah ram hla tak tak thleng hian a vakchhuak fo ang lawi si a, Dothanga chu a mangang em em mai a ni.
Tlai khat chu Dothanga chuan an vaua sakhi chhuak thin chu a chang a. Chumi tlai chuan khua a thiangin kawl a set phût mai a. Khua a rawn tlai lam zel a, a țhutna thlang deuh atang chuan mihring tlak ri bap bap thawm hi a rawn chhuak a. Dothanga chuan sapui thawm ni ngeiin a hria a, mak ti takin a beng a chhi kar reng a.
Tlak bap bap thawm chu a lo hnai zel a. Nakinah chuan a kiang vel chu tuibur rim hlir mai hian a khat tlat a ni ber a. A han hawi vel a, a țhutna thlangah chuan sakhi buang ang ther thawr, rim nâ tak si ; amah hnungchhawn zawnga lo ding reng chu a hmu ta mai a ni. Mak tak maiin chu sakhi lû chu a nupui Tualchingi lû ngei hi a ni tlat mai a. A sambu-ah chuan a nupui darsen dawhkilh ngei pawh a la inthiat tâng ngoh mai si a. A hmaitlang pawh ni tlak sar zamah chiang takin a lang thei a, Dothanga chuan mak a ti kher mai.
Dothanga chuan a nupui chu ramhuaiin an man ngei dawn niin a ngai a, ngawltawt chhuahin chu sakhi danglam tak chu a hrei-bahah tak a kap ta dur mai a. Vawi-leh-khatah
Dothanga chu khuaah a hawng vang vang a. Sumhmun a thlen chuan a nupui Tualchingi damlo chu an phungbawm ten an lo bawihsawm mek hi a lo ni a. Dothanga hmel Tualchingi'n a han hmuh chuan, sazu hual chep tawh ang tlat hian a dip a sai der der a, a khur zawih zawih mai bawk a. Zan laiah chuan Dothanga nupui Tualchingi chu a natna ber pawh sawi tur awm lovin a thi ta mai a ni.
Mi țhenkhat chuan, Dothanga thil tawn mak tak kha, a nupui Tualchingi thlâ ngei niin an sawi thin a. Dothanga ngei pawhin a sakhi chan chhuah mak tak chanchin chu a kumkhaw sawi a tling a ni.
Lushai Hills atanga Burma rama pem lut Mizote chuan Lushai hnam an inti mai thin a, chu chu vawiin thlenga sorkarin a chhinchhiah dan leh a koh dan pawh a ni a. Lushai Hills atanga an pem luh runpui kum tak erawh 1959-kum kha a ni a. Burma sorkar chuan an chungchang ngaihtuahsakin,
Lushai kawlphaia lut hmasate chuan phai leilet hnathawh dan kawnghmang leh thlawhhma lak dan an hre lo hle mai a. An chheh vela Kawl-ho chuan han hrilh sa teh mahse; Kawl țawng an thiam loh avangin awmzia a nei thui lo hle a. Mahse, Kawlho leileh dan chu entawnin an zir ve zel a, lawi leh bawngte an vulh pung chho ve zel a. Kum tin ngawpui țhiah ngai tawh lovin, kum 1924 ațang chuan lei an let thiam ta bawk a, lo nghet, ram nghet neiin leilet țha an nei thei ta a ni.
Ramhuai chawngchen chhimtu Zavela
Kum 1925, Ramtuk thla chawhma lam a ni a. Zavela leh a fapa Lalngûra chu an leilet pawm ringthar nawr belh turin tuihâng ramah an riak lut a. Lalngûra chu naupang ramțang rual vel hi a ni tawh a. A pa hnathawh hlanin tui chawi leh thing fawm, chaw chhum te a lo kawp ve thin a. Chutiang chuan chawlh kar khat dawn an riak tawh a.
Zan khat chu, khua a thim fel awrh chauh tihah an thlam chhak tlang pangper atang hian, mi tuten emaw meichher an rawn det thla thluah thluah mai a. Anni pa-fa chuan zualko ah ngaiin an lo thlir reng a. Nakinah chuan, chung meichher chu an lo hnai zel a, an meichher êk chu thlam chhaka thingbulah chuan an sawh leng chum chum a. Thlam tual an rawn thlen chuan hmeichhia pahnih leh mipa pakhat, hmel la valai tak hi an lo ni a. Thla eng hnuaiah chuan chung hmeichhe pahnihte hmel chu changel laimu kheh ang piak hian an var no ser mai a ni.
Thlam kailawnah an meichher an tung a, an rawn lawn a. Hmeichhe sam sei zawk chuan, "Vela, kha i fapa Ngûrbawnga a ni maw?, Vau thlaa piang nafam chu a hmai a faiin a ruangâm pawh i dung a thul a nih ngat kha maw," an rawn ti ta mai a. Lalngûra chuan a hlau hle mai a, a țap lek lek hial a. "Aw, ni e, ka fapa tlum ber a ni a, engtia a pian thla leh zel zel hria ni cheu nimaw? nangni zawk tu khua mite nge in nih hlawm?" Zavela chuan a han ti a.
Chu nu bawk chuan an thlam chhak tlangdunga cheng an nih thu leh, an hotupa thu hmua rawn kal an nih thu-in a chhang leh a. Nakinah chuan, chu nu chuan anni chu zui chho ve a, an chawngchen chu chhim ve turin a sawm ta tlut tlut mai a.
Mak deuh maiin Lalngûra chu mutchhuakin a rawn zem chiai chiai a, a pa ban ngheng chung chuan a arpui men diar diar a. Zavela chuan "Ngûrbawnga hi han muhil zet se" a ti a. Reiloteah Lalngûra chu a muhil ta bawrh bawrh mai a. Zavela chuan a fapa chu a han mut rem a, meichher a dep kai a. Tichuan, ani chu ramhuai-ho chuan an karcheh a, chawngchen tur chuan an riahbuk chhaka ramhnuai ngaw ril lamah an hruai ta a.
Zavela chuan kawng bo dalah a khattawkin a meichher-ek chu a nawr thla zel a. Nakinah chuan in lian leh ropui tak hi a lo ding luah mai a, a chhungah chuan dâr tum ri leh se ki khawng ri a inchhawn tlut tlut reng a. Meichher chu pawnah tungin chu in ropui takah chuan an lut ta a.
Zavela chu in ropui chhungah rei fê a awm hnuin, khawvar hnaih lamah ramhuai pathumte bawk khan an hruai chhuak leh a. A hnenah chuan an chawngchen a chhim thu leh chumi zana thil thleng reng reng chu, tu mah hrilh lo tur leh, a chenpui a chhungte hnenah ngei pawh puangzar miah lo turin an ti a.
Zavela'n a thlam a han thlen leh meuh chuan khawfing pawh a chat lek lek tawh a. A fapa muhil lai chu a sawih harh nawk nawk a, khawvar chian pawh nghak zo lovin phur an siam sawk sawk a, in lam panin an hawng ta vang vang mai a ni.
In an han thleng ta cheng a, Zavela chuan a thiltawn mak tak chu zep leh thukhuh nei miah lovin a sawichhuak ta piap piap mai a. A thusawi ngaihbel tur tingin chawlhkar khat pawh a liam hmain Zavela chuan an leihkâpui dawh a rap pial a, a tlakna lamah nâ takin a phing a sawh a. Rei pawh rial lovin chu chu a thihpui ta mai a ni.
Tlai khat chu Tailiana pa hovin Zavela te pafa riahna hmun hma an zuk chian leh ngat a, an thlam zawng zawng chu țhawnga-leiviri
Hemi țuma Zavela ramhuai chawngchen chhim hian vawk dar pawh a rawn hawn hial niin an sawi thin.
Chhunzawm zel tur...
 |
| Book Cover |
No comments